بۆیەکەمجار ژمارەی ئەو کەسانەی رۆژانە لە کۆرۆنا چاکدەبنەوە لە ژمارەی توشبوان زیاترە و بەپێی ڕاگەیەندراوی ئەمڕۆی وەزارەتی تەندروستی عێراق ڕایگەیاند لە ماوەی 24 کاتژمێری ڕابردوودا هەزار و 749 حاڵەتی نوێی کۆرۆنا تۆمارکراون،بەڵام هەزار و 852 توشبووش چاکبونەتەوە.

وەزارەتی تەندروستی عێراق لە ڕاگەیەندراوی رۆژانەی خۆیدا ئاشکراشیکردوە لە 24 کاتژمێری ڕابردوودا 83 توشبووی دیکە گیانیان لەدەستداوە بەوەش کۆی گشتی مردوانی کۆرۆنا گەیشتە هەزار و 839 کەس.

ئاماژەی بەوەشکردوە تا ئێستا کۆی گشتی چاکبونەوە گەیشتۆتە 22 هەزار و 947 کەس.

هەر بەپێی ئامارەکانی وەزارەتی تەندروستی لە ئێستادا 22 هەزار و 338 کەس لە نەخۆشخانەکانن و لەو ژمارەیەش 336 کەسیان لە ژێر چاودێری ورددان و باری تەندروستییان ناجێگیرە.