چەمچەماڵ.. لە دوو روداوی هاتوچۆدا (3) کەس گیانیان لەدەستدا

07:13 - 22/05/2020
کوردستان

ئەمڕۆ هەینی لەسنوری قەزای چەمچەماڵ لە (2) رووداوی جیاوازی هاتووچۆدا (3) کەس گیانیان لەدەستدا و کەسێکى دیکەش برینداربوو .

 

 ئامانج لەتیف وتەبێژی پۆلیسی چەمچەماڵ به دیجیتاڵ میدیاى KNNى راگەیاند " پاش نیوەڕۆی ئەمڕۆ لەرووداوێکی هاتووچۆدا لە سەر رێگای سەنگاو - چەمچەماڵ دوو کەس گیانیان لەدەستدا و دووانى دیکەش برینداربوون کە برینی یەکێکیان سەختە"

 

وتەبێژى پۆلیسى چەمچەماڵ راشیگەیاند " کاتژمێر (4)ى پاش نیوەڕۆی ئەمڕۆش لە سەر رێگای ئاغجەلەر - گۆپتەپە لە روداوێکی دیکەى هاتوچۆدا شۆفێرێک گیانی لەدەستدا"

 

ئەوەش لەکاتێکدایە، بەپێى ئامارەکانى هاتوچۆى هەرێم، تەنها لە ساڵى رابردودا (4400) روداوى هاتوچۆ لە هەرێم رویانداوە و بەو هۆیەشەوە (575) کەس گیانیان لەدەستداوە و (8000) ى دیکەش بریندار بوون.

 

بڕیار نامیق، سلێمانى

996 جار خوێندراوەتەوە