مستەفا کازمی سەرۆک وەزیرانی عێراق بڕیاریدا بە پێکهێنانی لێژنەیەک بۆ لێکۆڵینەوە لە ئاماری قوربانیانی خۆپیشاندانەکان و هێزە ئەمنیەکان و قەرەبووکردنەوەی خێزانەکانیان.

نوسینگەی ئەنجومەنی وەزیرانی عێراق ڕایگەیاند،کازمی لیژنەکەی ڕاسپاردوە لیکۆڵینەوە لە ژمارەی مردوان و برینداران و ونبوانی خۆپیشاندانەکان و ئەندامانی هێزە ئەمنیەکان بکەن.

هەروەها کازمی بڕیاریشیداوە جگە لە قەرەبوکردنەوەیان رێز لە قوربانیەکان بگیرێت و لە کەناڵەکانی ڕاگەیاندن ناوەکانیان بڵاوبکرێتەوە.

ئەوەش لە کاتێکدایە، مستەفا کازمى سەرۆکوەزیرانى نوێى عێراق لە کاتى سوێندخواردنى کابینەکەى لە پەرلەمانى عێراق بەڵێنیدا کارى لەپێشینەى حکومەتەکەى ئامادەکارى بۆ هەڵبژاردنى پێشوەختە و بەسزاگەیاندنى دەستدرێژیکارانى سەر خۆپیشاندەران بێت