شه‌پۆلێكى به‌فر و باران ڕوو له‌ شاره‌كانى هه‌رێم ده‌كات

07:05 - 21/01/2020
کوردستان

له‌ 24 كاتژمێری داهاتوودا به‌فربارین هه‌ولێر و سلێمانى و دهۆك ده‌گرێته‌وه‌، كه‌شناسى عێراقیش ده‌ڵێت، به‌فربارین پارێزگاكانی باكووری عێراق‌ ده‌گرێته‌وه‌

 
كه‌شناسى عێراق ئاشكراى ده‌كات، ئه‌مشه‌و نزمه‌پاڵه‌په‌ستۆیه‌كی سارد و باو بۆرانێك به‌ هێزی جیاواز هه‌ڵده‌كاته‌ سه‌ر ته‌واوی پارێزگاكانی عێراق و له‌ كاته‌كانی شه‌ودا بارانێكی به‌لێزمه‌ ناوچه‌كانی فوراتی ناوه‌ڕاست، به‌غدا، سلێمانی، باشووری دیاله‌ و واست ده‌گرێته‌وه‌.

 

كه‌شناسى عێراق ده‌شڵێت، له‌ 24 كاتژمێری داهاتوودا به‌فربارین باكووری پارێزگای هه‌ولێر، رۆژهه‌ڵات و باكووری سلێمانی و رۆژهه‌ڵاتی دهۆك بگرێته‌وه‌.


به‌پێى پیشبینیه‌كانى كه‌ش و هه‌وا ڕۆژى هه‌ینى به‌فربارین پارێزگاكانی باكووری عێراق‌ ده‌گرێته‌وه‌ و له‌ به‌ره‌به‌یانی رۆژی شه‌ممه‌وه‌  له‌ ناوچه‌كانی باكوور، رۆژئاوا، باشووری رۆژئاوا و ناوه‌ڕاستی وڵات ده‌بێته‌ سه‌هۆڵبه‌ندان.

15613 جار خوێندراوەتەوە