عادل عەبدولمەهدی سەرۆک وەزیرانی دەستلەکارکێشاوەی عێراق رایگەیاند، پەیوەندییە دەرەکییەکانی عێراق لە ئێستادا لە باشترین دۆخدایە.

عادل عەبدولمەهدی دوای کۆبوونەوەی ئەنجومەنی وەزیران لە راگەیەندراوێکدا دەڵێت، عێراق دەتوانێت بەسەر هەموو سەختیی و کێشەکاندا سەربکەوێت و لە ئێستاشدا پەیوەندییە دەرەکییەکانی وڵات لە باشترین دۆخی خۆیدایە.

بەپێی راگەیەندراوەکە، لە کۆبوونەوەکەی ئەنجومەنی وەزیراندا، پارێزگاکان دەستکراوە کراون، تاکو بۆ ماوەی سێ مانگ، بە داهاتی خۆیان کاری رۆژانەی خۆیان بەڕێبکەن و دەتوانرێت ئەم ماوەیەش درێژتر بکرێتەوە.

باس لەوەش کراوە، کار دەکەن تاکو لە دەرەوەی دەوڵەت هیچ کەسێک چەکی پێنەبێت، هەوڵەکانیش بۆ رووبەڕووبوونەوەی داعش و کۆتایپێهێنانیان بەردەوام دەبن.