وەک کاراکتەرێکی سیاسی موقتەدا صەدر هەمیشە بە نەیاری سەرکردە سیاسیەکانی عێراق دەردەکەوێت، تێروانیەکانی خۆی دژ بەو فۆرمەی لە عێراق لە ٢٠٠٣ دروست بووە دەخاتە روو، هەروەها بەجوڵە سیاسیەکانی هەمیشە وایکردوە لەمپەر لە بەردەم بەرژەوەندی نەیارەکانی دروست بکات بە تایبەت ئەوانەی ئیدارەی حوکمرانی عێراق دەکەن، ئەگەر هەر تێفکرینێکی لە پشتی ئەمەوە هەبێت، بەڵام لە راستیدا ئەمە روویەکی باشی پیشانی خەڵکی عێراق دەدات.

بەجیا لەو تێفکرینانەی لە رابردوودا خسونیەتە روو بەڵام ئەم جارەیان جۆرێک قوڵتر رۆچوتە دژایەتی کردنی نەیارەکانی و بانگەشەی ئەوە دەکات کە هیچ رێگەیەک نیە تا پێکەوە بسازێنەوە هەربؤیەش تویتەکان زۆر شۆرشگێریانەن و بەتایبەت کۆتا تویتی ئەمرۆی (وزير القائد ) تەواو جیاوازە کە بەدەر لەوەی نەیارەکانی رەد دەکاتەوە بەڵام وێنای عێراقی دوای ئەوانمان پیشان دەدت. لەم وتارەدا تیش دەخەمە سەر بەشێكی ئەو تویتە وهەروەها خستەن روو دۆخی عێراق کە ئایا بەراست عێراق ئامادەگی هەیە بۆ ئەو فەزیلەت خوازیەی لە تویتەکەدا خراوەتە روو؟

تویتەکەی ئەمرۆی (وزير القائد ) ی موقتەدا صەدر جیاوازترە لە هەموو تویتەکانی تری ، چونکە ئەمجارەیان وێنەی ئەو عێراقەی بۆمان کێشا کە لە خەیاڵدانی موقتەدا صەدر هەیە دەوڵەتێکە بە مانای ووشە فەزیلەت تێدا باڵا دەستە چونکە سروشتی ئەو دەوڵەتە کە بە عێراقی نوێی ناودەبات دوورە لە ( دەسکەلایی بۆ وڵاتان – میلیشیا- تیرۆر – گەندەڵی..... ئەحزابی تاقیکراوە- دەوڵەتی قوڵ - تایفەگەری -پشک پشکێنە- هەژاری -بێ کاری......هتد، هەروەها دەوڵەتێکە سەروەری یاسا تێدا بەرقەرارە و هاوڵاتی کەرمەتدارە تێیدا- و کەمینەکان رێز لێگیراون و دادگا دەستپاک و بێ خەوشە و پەیوەندیەکانی دەروە لەگەڵ وڵاتان یەکسانە و لایەنداری بۆ دەوڵەتێک لە سەر حسابی ئەوی تر نیە و ئاشتی بەرقەرارەو سوپا پارێگاری دەکات وحکومەت خزمەتی گەل دەکات، برایەتی لە نێو خێلەکیەکاندا بڵاوە، کەرامەتی هەمووان تێدا پارێزراوە،گەنجەکانیش هاوکاری دەکرێن و ئەوانیش هاوکاری دەکەن رێز لە ئاینزاکان دەگیرێت، کشتوکاڵ پیشەسازی تێدا گەشە دەکات ، پارە و ئابووری بەهێزە .... )هتد.

ئەم دەوڵەتەی کە تەنها چاکە تێدا باڵا دەستە لە راستیدا وێنەیەکی یۆتۆپیاییە کە خودی موقتەدا صەدریش باش دەزانێت لە عێراقدا ئەم فەزیلەت خوازیە لە تێفیکرینی واقعبینێکدا جێگای نابێتەوە، ئەگەر مەرامێکی تری لە پشتەوە نەبێت، چونکە عێراق ژینگەیەکە هەمیشە لە شەر و ململانێ و لە ناوبردنی یەکتریدا رۆچوە، لە عێراقێکدا هەموو چەند ساڵێکی کەمە جەنگێکی تایفەگەری وێرانکەری تیادا بینرا کە کەم وێنەیە لە مێژوودا، وا هێشتا کچانی کوردانی ئێزیدی ێشتا کچەکانیان لە نێو گەرەکەکانی ئەم وڵاتەدا وەك کاڵا دەفرۆشرێن، هێشتا عقڵیەتی جینۆسایکردنیان لە تێفکرینی هەندێک ئاینزاکاندا زیندووە، هێشا بە ناوی ئاین و نەتەوە هەمووان دژی یەک رادەوستن لە ئامادەباشیدان بۆ قرکردنی یەکتر، هێشتا زۆر شتی تر هەن کە تەنها لە تێفکرینی دەوڵەتی شەردا بونیان هەیە لەم وڵاتەدا بێ سڵەمینەوە پیادە دەکرێت لەوانەش بە تاڵانبردنی سامانەکەی لە لایەن چینێکی بچوکی دەسەڵات، و فۆرمێکی چەتەگەریانەی دەسەڵات کە هەموویان بێ جێاوازی سودمەندن لێی. ئەگەر ئەمە واقعی تێفکرینی بەشێکی عێراقیەکان بێت و باڵا دەست بن تێدا، کەوابێت بۆ ئەوەی دەوڵەتە فەزیلەتخوازیەکەی موقتەدا سەدر سەربگرێت دەبێت عێراق نەک لە حیزبە سیاسەکان و سەرکردە تاقیکراوەکانی پاکبکرێتەوە بەڵکو دەبێت هەموومان برۆینە دەرێ( چونکە ژمارەی ئەوانەی کە فەزیلەت خوازن بە کردار و گوتفتار هێندە کەمە کە شایەنی باسکردن نیە)، خەڵکانی تر بۆ عێراق دروست بکرێت، ئەوەش دوای پەروەردەکردنی بە بنەماکانی دەولەتی فەزیلەتی (عراق- جدید) ، ئەوجا رەنگە ئەوەی سەید باسی دەکات بێتە بوون.

لە کۆتایدا ئەمەوێت بڵێم ئەو شارە فەزیلەت خوازیەی کە ئەفلاتۆن بانگەشەی بۆ دەکرد لەو مێژووەی کە ئەفلاتۆن تیایدا دەژیا دەرئەنجامەکەی چی بوو ئەوا (عراق- جدید) بەرێز موقتەدا صەدریش هه‌مان چارەنوسی دەبێت، مەگەر تەنها لە خەیاڵدانی خۆشباوەری عێراقیەکاندا دروست ببێت.