فێستیڤاڵی نێودەوڵەتی فیلمی سلێمانی ده‌ستیپێكرد

06:09 - 10/10/2018
هەمەڕەنگ

سه‌رله‌ئێواره‌ی ئه‌مڕۆ چوارشه‌ممه‌ 10-10-2018 سێیەمین فێستیڤاڵی نێودەوڵەتی فیلمی سلێمانی دەستی بە کارەکانی كرد.

دوای ئه‌وه‌ی له‌ ماوه‌ی رابردوو هەموو ئامادەکارییەکان بۆ بەڕێوەچوونی سێیەمین فێستیڤاڵی فیلمی نێودەوڵەتی سلێمانی کۆتایی هات سه‌رله‌ئێواره‌ی ئه‌مڕۆ كاتژمێر 6:00 لە تەلاری هونەر لە شاری سلێمانی دەستیپێكرد و ماوه‌ی هه‌فته‌یه‌ك بەردەوام دەبێت.

ژمارەیەکی زۆر میوان بانگهێشتی فێستیڤاڵەکە کراون، گەیشتوونەتە شاری سلێمانی و 122 فیلم لە 52 وڵاتەوە بەشداری پێکراوە.

لەو فێستیڤاڵەدا 14 خەڵاتی بۆ براوەکانی فێستڤاڵ و پێنج خەڵاتی رێزلێنانیش دابەش دەکرێن.


50 جار خوێندراوەتەوە