مەسعود پزشکیان عەباس عەرقچی ڕاسپارد بۆ دانوستان لەگەڵ ئەمەریکییەکان و دەڵێت مەرجە پڕۆسەکە ئارام و بێفشار بێت.

هەواڵ:KNNC

مەسعود پزشکیان سەرۆککۆماری ئێران ڕایگەیاند کە عەباس عەراقچی وەزیری دەرەوەی وڵاتەکەی ڕاسپاردوە بۆ گرتنە ئەستۆی دانوستانەکان لەگەڵ ئەمەریکییەکان کە لە تورکیا بەڕێوەدەچن.

مەسعود پزشکیان وتوشییەتی، ڕاسپاردنی وەزیری دەرەوە و دانوستانەکان مەرجیان هەیە، ئەویش بوونی کەشیکی سەقامگیر و پارێزراو و دوور لە هەڕەشە و فشارە، دەبێت دادپەروەریی لە دانوستانەکاندا هەبن و بۆ هەردوو لایەن.

سەرۆککۆماری ئێران ئاماژەی بەوەشداوە، بەرژەوەندیی گەلی ئێران لەپێشینەیە بۆ ئەوان لە دانوستانەکاندا و هەموو ئامانجێکیان پاراستنی بەرژوەندییەکانی ئێرانە.

دوای ململانێ زۆرەکانی نێوان ئێران و ئەمەریکا، بڕیارە لە هەینیدا دانوستانەکانی نێوان هەردوولا لە تورکیا دەستپێبکاتەوە...