به‌پێی راگه‌یه‌نراوێكی شاندی دانوستانكاری پارتی ویستویانه‌ یەکێتی بەشدارییەكی هاوسەنگ لە سەرۆكایەتیەكان لەسەر ئاستی هەرێمی كوردستانی هەبێت، بە جۆرێك كە (سەرۆكی پەرلەمانی كوردستان و جێگری سەرۆكی هەرێم و جێگری سەرۆكی حكوومەت لای یەكێتی نیشتمانی كوردستان بن).

هەواڵ:KNNC

وه‌ك له‌راگه‌یه‌نراوه‌كه‌دا هاتوه‌  لە كۆی 22 وەزیری حكومەتی هەرێم كە كابینە پێك دەهێنن، پێشنیاری پارتی وا بووە كە پێكهاتەكان بە 2 وەزیربەشداری كابینە بن و (8 بۆ 9) وەزارەت لای یەكێتی نیشتیمانی كوردستان بن، كە تیایدا وەزارەتی گرنگی بواری (سەربازی، ئابووری و داراییی و، خزمەتگوزاری) تێدایە، هەروەها بەشداریەكی كارا و كاریگەر لە بواری ئەمنی و پۆستەكانی تریش لە دەستەكان و فەرمانگەكان.

 به‌ڵام  یەکێتی بڕیاریداوه‌ تا دوای هەڵبژاردنی پەرلەمانی عێراق نەیەنە ناو حکومەت، به‌وته‌ی شاندی  دانوستانكاری پارتی  ئەو دواخستنه‌ی یه‌كێتیان  پێ خراپه‌.