عێراق بەبڕی زیاتر لە 10 ملیار دۆلار گرێبەست لەگەڵ كۆمپانیا جیهانییەكان لەبواری نەوتدا واژۆ دەكات.

هەواڵ:KNNC

باسم خزەیر بریكاری وەزیری نەوتی عیراق ئاشكرایكرد، وڵاتەكەی بوەتە جێی سەرنجی وەبەرهێنانی نەوتی و بۆ ئەو مەبەستەش بەبڕی 10.9 ملیار دۆلار گرێبەستی لەگەڵ كۆمپانیا جیهانییەكانی نەوت واژۆ كردوە بۆ برەو دان بەكێڵگە نەوتییەكانی ناسریەو كەركوك و بونیادنانی پرۆژەی ستراتیژی لەكیڵگەی ئەرتاوی.

بریكاری وەزیری نەوتی عیراق ئاماژەی بەوەشكرد كە ئاستی وەبەرهێنانی گازیان لە 45% بۆ 70% بەرزكردوەتەوەو تاوەكو ساڵی 2028یش دۆسێی سوتاندن و بەفیڕۆدانی گاز دادەخرێت.

ناوبراو دوپاتیكردەوە؛ بەغدا لەگەڵ هەردو كۆمپانیای شیڤرۆن و پی بی بۆ برەودان بەكێڵگە نەوتییەكان گرێبەستی واژۆ كرجوەو لەهەمان كاتیشدا پرۆژەیەكی گازو پرۆژەیەكی وزەی خۆر بەتوانای هەزار میگاوات بەرهەم دەهێنێت ،ئەمە جگە لەپرۆژەی بەكارهێنانی ئاوی دەریا لەكیڵگە نەوتییەكان.