سبەینێ وەرگرتنی گەنمی جوتیاران لە سایلۆی پیرەمەگرون دەست پێدەكات، سایلۆی سلێمانی دەڵێت: سبەى تەنیا گەنمی جوتیارانی سنوری پیرەمەگرون و تانجەرۆ وەردەگرن.

هەواڵ:KNNC

سایلۆی سلێمانی لە ناحییەی پیرەمەگرون، جوتیاران ئاگاداردەكاتەوە، لە سبەینێ سێشەممەوە، دەست بە وەرگرتنی گەنمی جوتیاران دەكرێت بۆ وەرزی ئەمساڵ.

دەشڵێت: ئەمساڵیش هاوشێوەی ساڵی رابردو، وەرگرتنی گەنم ناوچە بە ناوچەیە.

سایلۆی سلێمانی داوا دەکات، سبەینێ تەنیا جوتیارانی سنوری هەردو بەشی كشتوكاڵی پیرەمەگرون و تانجەرۆ، گەنمەكانیان ببەن بۆ سایلۆکەیان و جگە لە جوتیارانی ئەو دو بەشە كشتوكاڵیيە، هیچ جوتیارێك لە بەشە كشتوكاڵیەكانی تر ئۆتۆمبێلە بارهەڵگرەكانیان رانەگرن.

بەپێی ڕێنماییەكان، دەبێت سەرجەم ئوتومبێلەكان پڕ بن لە دانەوێڵە و داوا لە جوتیاران كراوە، گەنمەكانیان تەنیا لەو بارهەڵگرانە باركەن كە خۆیان هەڵی دەڕێژن و بە پێچەوانەوە گەنمیان لێ وەرناگیرێت.