وەزارەتی كاروكاروباری كۆمەڵایەتی عێراق رەتی دەكاتەوە بڕیاری هاتنی دەستی كار و كرێكارانی بیانی دابێت، بەڵكو  بڕیارەکانی حکومەت کە پەیوەستە بەڕێکخستنی بازاڕی کار و پێشخستنی دامەزراندنی دەستی كار و کرێکارانی ناوخۆ جێبەجێ دەكات.


هەواڵ: (KNNC)


ئەمڕۆ سێشەممە، لە بڵاوكرایەكدا وەزارەتی کار و کاروباری کۆمەڵایەتی رەتیکردەوە کە بڕیاری دەرکردبێت بۆ قەدەغەكردنی هاتنی دەستی كار و كرێكارانی بیانی و جەختی كردوەتەوە كە ئەو زانیاریانە دروست نین،  رونیكردوەتەوە، دەسەڵاتی قەدەغەکردن و بڕیاردان لە هاتن یان نەهاتنی دەستی كار و كرێكارانی بیانی بۆ ناو عێراق، لەلایەن وەزارەتی ناوخۆوە دەدرێت، نەك وەزارەتی كاروكاروباری كۆمەڵایەتی.


ئەوەیخستوەتەڕو، وەزارەتی كاروكاروباری كۆمەڵایەتی پابەندە بەجێبەجێکردنی بڕیارەکانی حکومەت کە پەیوەستە بەڕێکخستنی بازاڕی کار و پێشخستنی دامەزراندنی دەست كارو کرێکارانی ناوخۆ، ئەوەش بە ئامانجی ئاسانکاریی  كردن بۆ خاوەنکارەکان لەگەڵ کارمەندانی شارەزای عێراقی لە بوارە جۆربەجۆرەكاندا.


وەزارەتی کار و کاروباری کۆمەڵایەتی عێراق ئاماژەی بۆ ئەوەشكردوە، پێویستە بەر لە بڵاوكردنەوەی هەواڵەكانیان پێویستە دەزگاکانی راگەیاندن وردبینی لە دروستی زانیارییەکان بکەنەوە بەتایبەتی سەرچاوە فەرمییە  پەسەندکراوەکان.