وەزارەتی دەرەوەی روسیا لە بارەی کوژرانی ئیسماعیل هەنیە رایگەیەند، کوژرانێکی سیاسییە و قبوڵکراو نییە، لەبەرامبەریشدا ئەمەریکا هۆشداریدا لە ئەگەری هێرشکردنە سەر ئیسڕائیل و پشتیوانی کردنی خۆی بۆ ئەو وڵاتە راگەیاند.

هەواڵ:KNNC

وەزارەتی دەرەوەی روسیا لەبارەی کوژرانی ئیسماعیل هەنیە سەرۆکی مەکتەبی سیاسی بزوتنەوەی حەمماس جەخت لەوە دەکاتەوە کە ئەوە تاوانێکی سیاسییە و قبوڵ نەکراوە.

لەبەرامبەریشدا لۆید ئۆستن، وەزیری بەرگریی ئەمەریکا قسەی وڵاتەکەی خستەرو وتی: ئەگەر هێرش بکرێتە سەر ئیسرائیل ئەوان هاوکاری دەکەن بۆ بەرگری لەخۆکردن.

ئەو بەرپرسەی ئەمەریکا ئاماژەی بەوەشدا، بەجددی کار دەکەن بۆ ئەوەی گرژییەکانی رۆژهەڵاتی ناوەڕاست کەمبکەنەوە و وتیشی: لەو باوەڕەدا نییە لە رۆژهەڵاتی ناوەڕاست شەڕ هەر روبدات.