شارەزایەکی ئابوری: بەرزبونەوەی نرخ ئاماژەیەکی ترسناکە و پێویستە بڕیاری بەپەلەی لێبدرێت

KNN : Kurdish News Network
12:29 - 22/06/2022
ڕاپۆرت

د. نەوزاد مەجید هەمەوەندی، مامۆستای زانکۆ و پسپۆڕی دارایی و ژمێریاری راپۆرتێکی لەبارەی بەرزبونەوەی نرخی پێداوسیتییەکان و لێکەوتەکانی خستوتەڕو. 

 

د. نەوزاد دەڵێت: عێراق لە پێش هەڵبژارنەكانی پەرلەمانەوە كە كورد بەشێكی گرنگە لەم بەرلەمانە ، ئاسۆیەكی بەدی دەكرد بۆ هەنگاونان و بەدی هێنانی ئامانجەكانی وڵات كە بەرزكردنەوەی ئاستی ئابوری و باشكردنی باری ئابوری و سەقامگیری زیاتر لە روی سیاسی و ئاسایشەوە كە هەنگاوی گرنگ بون بۆ سەقامگیری زیاتری سەرجاوەكانی داهات و زیادكردنی بەرهەمهینانی نەوت و دۆزینەوەی سەرچاوەی هەمەجۆری  داهات و دۆزینەوەی دەرچەیەكی یاسایی و سیاسی بۆ چارەسەركردنی كێشە هەڵپەسێردراوەكانی هەرێم و بەغدا .

ئاماژەی بەوەشکردوە، بەڵام ئەوەی چاوەڕوانی نەبوین خەریكە روبدات كە لە ئۆكتۆبەری ساڵی رابردوەوە هەڵبژاردنی بەرلەمانی عیراق ئەنجام دراوە، تا ئێستا حكومەت پێکنەهێنراوە و ڕەنگە بارودوخەكە لەروی سیاسیەوە خراپتریش ببێت ئەگەر هەر بەردەوانی هەبێت جونكە بێك نەهینانی حكومەت كێشە دارایی و ئابوریەكانی عیراق و هەرێمی كوردستانیش قوڵتردەكاتەوە.

راشیگەیاند: لە ئێستادا حكومەتەكەی كازمی وەك حكومەتێكی كاربەرێكەر مامەڵەی لەكەڵدا دەكرێت و توانا داراییەكەی دیاری كراوە و ناتوانێت پڕۆژەكانی وەبەرهێنان بخاتەگەڕ و هەلی كار زیاد بكات وە لە بڕیارە داراییەكانی سنورێكی دیاری كراوی هەیە بۆیە بارە ئابوریەكەی هاوڵاتیان تا دێت خراپتر دەبێت و نرخی كەل و بەل و خۆراك و پێداویستیە سەرەكیەكان بەرزتر دەبێتەوە .

باسی لەوەشکردوە، نرخی گۆشت بە بەراورد بە ساڵی ڕابردو بەڕێژەی (22.8%) بەرزبوەتەوە، لە هەمان کاتدا نرخی گەنم و دانەوێڵە بەڕێژەی (56.2%) بەرزبوەتەوە.

لە کۆتایی پێی وایە، ئەم جۆرە بەرزبونەوەی نرخە ئاماژەیەکی ترسناکە و پێویستی بە هەڵوێستە کردنە لەسەری وە پێویستە حکومەت و لایەنە پەوەندیدارەکانی حکومەت بە تایبەتی مشوری ئەم بارودۆخە بخۆن و ڕێگاچارەیەکی کورت خایەن و درێژخایەن داڕێژن و بڕیاری بە پەلەی پێویستە بۆ چەند گرفتێکی ئابوری کە لە ئێستادا بەرۆکی حکومەتی هەرێمی کوردستانی گرتوە.

298 جار خوێندراوەتەوە