وەزیرى بازرگانى و پیشەسازى هەرێم رایدەگەیەنێت؛ بڕیاریانداوە بە پێکهێنانی لیژنەیەکی بەدواداچون و لێکۆڵینەوە بۆ ئەوەی بگەن بە ڕاستی ئەو بابەتەى کە پەیوەندى هەیە بە کەمتەرخەمى لە دابەشکردنى بەشەخۆراکى مانگانە بەسەر هاوڵاتیاندا.


ئەمڕۆ یەکشەممە، کەمال موسلیم، وەزیرى بازرگانى و پیشەسازى هەرێم سەردانى کۆگاکانی سلێمانى کرد و لە کۆنگرەیەکى رۆژنامەوانیدا رایگەیاند: تەواوی گیروگرفتەکان لەگەڵ فەرمانبەرانی کۆگاکاندا باسکران و لیژنەکەیەکی لێکۆڵینەوە لەسەر ئەو بابەتە پێکهاتوە.

دەشڵێت: ئەگەر گۆڕانکاری لە ماددە خۆراکییەکان کرابێت تاوانە و ئەگەر کەسێکیش بەڵگەی لایە با بیخاتەڕو ئێمەش بەدواداچونی بۆ دەکەین، بەڵام باوەڕناکەم شتی وا کرابێت.

سەبارەت بە گلەیی چەند شۆفێرێکی عەرەب لە سلێمانی کە سوکایەتییان پێکراوە، کەمال موسلیم رایگەیاند: یەکێك لەو بابەتانەی لیژنەی لێکۆڵینەوە بەدواداچونی بۆ دەکات ئەو بابەتەیە و دوای تەواوبونی رێکاڕەکان لیژنەکە بڕیاردەدات.

راشیگەیاند: هەرچەندە لە ئێستادا وەزری دروێنە نییە، بەڵام لە چەند ناوچەیەکدا کاتی دروێنە هاتوە و بۆ ئەوەی جوتیارانیش زەرەرمەند نەبن گەنمەکانیان لێوەردەگرین و لە سایلۆکاندا کۆگا دەکرێن.

باسی لەوەشكردوە، یەکێك لەو گلەییەی لە بەغدامان کردوە بابەتی گەنم و بەشەئاردی هاوڵاتییانە و بەڵێنمان لێوەرگرتون بەشەخۆراکی هاوڵاتییان درەنگ نەکەوێت و لەگەڵ بەغدا هاوتا بکرێتەوە،