دوو ماددەى دیکەى خۆراکى بۆ بەشەخۆراکى مانگانە زیادکرا

KNN : Kurdish News Network
08:45 - 04/09/2021
کوردستان

وەزارەتى بازرگانى عێراق رایدەگەیەنێت؛ بۆ ئەم مانگە نیسک و لەتکە نۆکیش لە بەشەخۆراکى مانگانەدا بە هاوڵاتیان دەدرێت.

ئاژانسى فەرمى عێراقى، لە زارى محەمەد حەنون وتەبێژى وەزارەتى بازرگانى بڵاویکردەوە، لەچەند رۆژى داهاتودا دەست دەکرێت بە دابەشکردنى دووەم سەبەتەى خۆراکى و لەئێستاشدا گەیشتوەتە کۆگاکان و ئامادەکارییەکان بۆ ئەو بابەتە تەواو کراون.

وتەبێژى وەزارەتى بازرگانى ئاشکرایکردووە، بۆ ئەم مانگە دوو ماددەى دیکەى خۆراکى بۆ بەشەخۆراکى هاوڵاتیان زیاد کراون کە بریتین لە ( نیسک و لەتکە نۆک).

لەبارەى بەرزبونەوەى نرخى نان و سەمون، حەنون وتى: بەدواداچون بۆ ئەو بابەتە دەکەین و هەر شوێنێک نرخ بەرزبکاتەوە دەدرێتە دادگا و سزا وەردەگرێت.

ئەوەش لە کاتێکدایە، لە مانگى رابردودا سێ ماددەى دیکەى خۆراکى بۆ بەشەخۆراکى مانگانە زیادکران و لەم مانگەشەوە ( نیسک و فاسۆلیا و دۆشاوى تەماتە، برنج، شەکر، زەیت و لەتکە نۆک)، بەسەر هاوڵاتیاندا دابەشدەکرێن

14316 جار خوێندراوەتەوە