یەکێتی مامۆستایانی کوردستان یاداشتێکی داواکارییان ئاڕاستەی وەزیری دارایی کرد

KNN : Kurdish News Network
09:31 - 04/05/2021
کوردستان

ئەمڕۆ سێ شەممە، یەکێتی مامۆستایانی کوردستان یاداشتێکی داواکارییان ئاڕاستەی وەزیری دارایی و ئابوری حکومەتی هەرێم کرد.

 
بەپێی راگەیەنراوێکی وەزارەتی دارایی و ئابوری حکومەتی هەرێم، ئەمڕۆ سێ شەممە (4/5/2021) ئاوات جەناب نوری وەزیری دارایی پێشوازی لە شاندێکی یەکێتی مامۆستایانی کوردستان کرد و لە کۆبونەوەیەکدا، جەختیکردەوە کە بە لەبەرچاوگرتنی ئەو دۆخە داراییەی هەرێمی کوردستانی گرتووەتەوە دەبێت داواکارییەکانی مامۆستایان جێبەجێبکرێت.

هاوکات، یەکێتی مامۆستایانی کوردستان سوپاسی وەزیری دارایی و ئابورییان کرد، بۆ ئەو هەوڵانەی کە بۆ رێکەوتنی نێوان هەرێم و بەغداد رۆڵێکی باشی هەبووە.

لە راگەیەنراوەکەی وەزارەتی داراییدا هاتووە، یەکێتی مامۆستایان یاداشتێکی داواکارییان ئاڕاستەی وەزیری دارایی کردووە و لای خۆیەوە ئاوات جەناب نوری بەڵێنی پێداون لە چوارچێوەی ئەو دەسەڵات و بودجەیەی لە بەردەستە خزمەتی چینی مامۆستایان بکات.

437 جار خوێندراوەتەوە