به‌هۆى زۆرى توشبوونى کارمەندەکانیان به‌ په‌تاى كۆرۆنا ده‌وامى فه‌رمانگه‌یه‌ک راده‌گیرێت

KNN : Kurdish News Network
10:07 - 02/05/2021
کوردستان

کارەباى سلێمانى رایدەگەیەنێت؛ به‌هۆی توشبوونی ژماره‌یه‌كی زۆر فه‌رمانبه‌رانی به‌شی خه‌ده‌مات و فرۆشتنی وزه‌ی به‌رێوه‌به‌رایه‌تی دابه‌شكردنی كاره‌با، دەوام لەو لەو فەرمانگەیە بۆ ماوەى هەفتەیەک راگیراوە.

لە ئاگادارییەکدا بەڕێوەبەرایەتى گشتى کارەباى سلێمانى رایگەیاند: ئاگاداری دانیشتوانی ناو شاری سلێمانی و ده‌وروبه‌ری ده‌كه‌ین، له‌پێناو پاراستنی ته‌ندروستی هاوڵاتیان به‌گشتی و به‌هۆی توشبوونی ژماره‌یه‌كی زۆر فه‌رمانبه‌رانی به‌شی خه‌ده‌مات و فرۆشتنی وزه‌ی به‌رێوه‌به‌رایه‌تی دابه‌شكردنی كاره‌بای سلێمانی به ‌په‌تای كۆرۆنا و گیانله‌ده‌ستدانی كارمه‌ندێكمان، لەمڕۆوە بۆ ماوەى هەفتەیەک دەوام لەو بەشە رادەگیرێت.

دەشڵێت: راگرتنى دەوام لەو بەشە له‌ پێناو پاراستنی ته‌ندروستی هاووڵاتیان و رێگریكردن له‌ته‌شه‌نه‌سه‌ندن و بڵاوبوونه‌وه‌ی په‌تاكەیە.

هەروەک داوا دەکەن، هاووڵاتیان بۆ مامه‌ڵه‌ی كاروباروی وزه‌ و تاپۆ و روخاندنى خانوو، پشكنینى پێوه‌رى كاره‌با و پاكتاوى پاره‌ى كاره‌با سه‌ردانی به‌رێوه‌به‌رایه‌تی دابه‌شكردنى كاره‌باى سلێمانى نه‌كه‌ن.

8248 جار خوێندراوەتەوە