وەزیری پەروەردە لەبارەی دەستپێکی ساڵی نوێی خوێندن رونکردنەوە دەدات

01:24 - 05/08/2020
کوردستان

وەزیری پەروەردەی حکومەتی هەرێم ڕایگەیاند خەریکی ئامادەکاری بەرنامەیەکن بۆ چۆنیەتی دەستپێکردنەوەی ساڵی نوێی خوێندن.

 

 ئالان حەمە سەعید وەزیری پەروەردە سەردانی پارێزگای هەڵەبجەی کرد و ڕایگەیاند لەگەڵ وەزیری خوێندنی باڵا رێکەوتنمان وایە پێکەوە ئامادەکاری بکەین و لە یەکێک لە کۆبونەوەکانی ئەنجومەنی وەزیراندا باسی بابەتەکە بکەین.

 

وتیشی دەستپێکردنەوەی ساڵی نوێی خوێندن رەهەندێکی تەندروستی تێدایە و چاوەڕوانی هەڵسەنگاندنی وەزارەتی تەندروستین.

 

وتیشی بابەتی دەستپێکردنەوەی ساڵی نوێی خوێندن پێویستی بە رێنمای و بڕیاری ئەنجومەنی وەزیران هەیە و لە یەكێک لە کۆبونەوەکاندا باسی دەکەین و بڕیاری لێ دەدرێت.

 

ئەوە لەکاتێکدایە بەهۆی بڵاوبونەوەی کۆرۆنا ساڵی ڕابردوو لە سەرەتای مانگی ئازارەوە دەوامی خوێندنگا و زانکۆکان ڕاگیران و ئەمساڵیش نازانرێت کەی ساڵی نوێی خوێندن دەستپێدەکاتەوە.

11335 جار خوێندراوەتەوە