بەبێ ئامادەبونى حاجیانى دەرەوەى جیهان، مەراسیمى حەجى ئەمساڵ دەستى پێکرد.
ئەمساڵ بەهۆى بڵاوبونەوەى ڤایرۆسى کۆرۆنا لە جیهاندا و لەپێناو رێگرى لە بڵاوبونەوەى ڤایرۆسەکە و جێبەجێ کردنى رێنماییە تەندروستیەکان، بەبڕیارێک؛ ئەنجامدانى فەریزەى حەج بۆ هاوڵاتیانى دەرەوەى سعودیە راگیرا.
ساڵانە بە سەدان هەزار هاوڵاتی موسوڵمان لە وڵاتانى جیهانەوە، روو لە سعودیە دەکەن و فەریزەى حەج بەجێدەهێنن، بەپێى ئامارەکان ساڵى رابردوو زیاتر لە یەک ملیۆن و (500) هەزار حاجى، فەریزەى حەجیان بەجێهێنا.
879 جار خوێندراوەتەوە