رێکخراوێکی خێرخوازی و یونسیف پێداویستی خۆپاراستنیان بۆ خوێندکارانی پۆلی 12 دابین کرد

01:16 - 07/07/2020
کوردستان

رێکخراوی خێرخوازی کەریمی عەلەکە و رێکخراوی یونسیف زیاتر لە 200 هەزار دەمامک و مادەی پاکژکەرەوەیان بۆ خوێندکارانی پۆلی 12 دابین کرد.

 

ئەمڕۆ لە دیوانی پەروەردەی سلێمانی دڵشاد عومەر بەڕێوەبەری پەروەردە پێشوازی لە نوێنەرانی رێکخراوی کەریمی عەلەکە کرد و رێکخراوەکەش  150 هەزار دەمامکی ڕادەستی پەروەردەی سلێمانی کرد بۆ ئەوەی لەکاتی تاقیکردنەوەکانی پۆلی 12 دا بەسەر خوێندکاراندا دابەش بکرێت.

 

هاوکات رێکخراوی یونسیفی سەر بەنەتەوە یەکگرتووەکانیش بڕی 63 هەزار دەمامک و دەستکێش و 500 دەبە مادەی پاکژکەرەوەی بۆ پەروەردەی سلێمانی دابینکردوە.

 

ئەوە لەکاتێکدایە وەزیری پەروەردە ڕایگەیاند نابێت هیچ خوێندکارێک بەبێ دەمامک تاقیکردنەوە بکات و پێویستە خوێندکاران خۆیان لە ڤایرۆسەکە بپارێزن.

309 جار خوێندراوەتەوە