ئێوارەی دوێنی لە شاری کەرکوک دایکێک هەرسێ منداڵەکەی خۆی لەسەر شەقامەکان فڕێدەدات و دەڕوات.

سەرچاوەیەک لە پۆلیسی کەرکوک ڕایگەیاند،دایکی منداڵەکە خەڵکی بەغدایە و باوکیشیان چەکداری داعش بووە و دواتر دەستگیرکراوە و  زیندانی کراوە.

وتیشی دایکەکە بەبیناوی خراپی باری گوزەران منداڵەکانی جێهێشتووە،هەرچەندە پێشتر لەلایەن خەڵکەوە هاوکاری کراوە.

بەپێی زانیارییەکان منداڵەکان هەرسێکیان بە ڕەگەز کچن و تەمەنیان حەوت ساڵ و چوارساڵ و سێ ساڵە و لە ئێستادا نازانرێت دایکیان بۆ کوێ ڕۆیشتووە.

منداڵەکانیش درەنگانێکی شەو لەلایەن پۆلیسەوە گواستراونەتەوە و لە ئێستادا لە ماڵی موختاری گەڕەکی تسعینی کەرکوک دانراون.