وەزارەتی بەرگری ئەمریکا (پنتاگۆن) ئاماری توشبوان و گیان لەدەستدانی سەربازانی وڵاتەکەی بە ڤایرۆسی کۆرۆنا ڕاگەیاند و بەپێی ئامارەک تا ئێستا 8 هەزار764 سەرباز توشی ڤایرۆسەکە بوون.

 بەپێی ئامارەکانی پنتاگۆن، لەو ژمارەیە 29 کەسیان گیانیان لەدەستداوە و 4 هەزار  و507 کەسیان چاکبونەتەوە.

بەپێی ئامارەکان ئەمریکا یەکەم وڵاتە بۆ زۆری ژمارەی توشبوون و گیان لەدەستدان بە کۆرۆنا و تا ئێستا ملیۆنێک و 577 هەزار و 936 کەس توشی ڤایرۆسەکە بوون.

هەروەها لەو ژمارەیە 93 هەزار و 894 کەسیان گیانیان لەدەستداوە و ژمارەیەکەش بەردەوام ڕوو لە زیادبوونە.