پێدەچێت ئەو ژمارە دەستکەلایانەی تا ئێستا بۆ میلەتی کورد بۆتە بەشە پێدراوی جوڵەگەمەو دانراوە، یان بە بەکارهێنان و فەراهەمکردنی کۆمەڵێک ژمارەی ناتەواو سەرانی سەرقاڵکراوی سیاسی میلەت دەخولێننەوەو بە جۆرێک لە جۆرەکان ناویان لێناوە دەستکەوت ی رەنج و بردنەوە؛ کە بەداخەوە ئەمانە هەمووی بە بێ ژمارە خاڵ (سفرە) و ؛ وەک کورد ناتوانین ژمارەکان بە ویستی خۆمان بگۆڕو ئاڵوگۆڕی ژمارەو دەستەکەوتەکان بکەین و؛ژمارەکان بکەینە ژمارەیەکی بەرزتر لە ویستی پێویستیەکانی بەرەو پێشچوون و ئامانجی نوێ بونەوەی خۆمان و لەو ژمارە ( یەک تا نۆ ) وەستاوو چەق بەستو و سەپاوانەش کە بونتە پێبەندی نەڕۆیشتنی هەنگاوەکانمان رزگارمان بێ.!

 (سفر) ئەو خاڵە گرنگ و پەنهان و دزراوەی مێژووی گەلی کوردە کە تا ئێستاش چارەنوسی ئێمەی لە نێوان بوون و نەبوندا پێوە بەستراوەو گشت سیاسییە قێزەون و  کارە دوژمنکاریەکانی ناوچەکە لە کوردیان شاردۆتەوە و گۆڕیوە، یان خۆمان وەک سەرەگێل و خۆ بەکەمزان و خۆفرۆشی خاوەن بڕیار وەک کارتێک بەرامبەر پرۆژەی  مانەوەو بەرگریکردن لە دەسەڵاتی سنورداری خێڵەکی و ناوچەیی بە شێوازی خۆ بەدەستەوەدان و خۆ بچوکردنەوە بە دوژمنانی کوردو زلهێزەکان فرۆشتووە!.

هەتا میلەت نەگەڕێتەوە بۆ بیرکردنەوە لە گرنگی خاڵی ( سفر ) ی بوون و خۆی وەک دەستپێک لەو خاڵەدا نە چەسپێنێت،و نەتوانین هۆکارەکانی دابڕان و دوورخستنەوەی ( سفر ) بوون لەو ژمارە تەنهاو کەم نرخانە دیارنەکات و خاڵی سفر وەک سەرەتا بەدەست نەهێنێ و مێژووی هەنگاوەکانی ڕوون نەبێت؛ ناتوانێت قۆناغە پلەییەکانی سەرکەوتنی خۆی ببڕێ و سەرکەوێت بۆ شوێنی شایستەیی بوونی خۆی لە ناوچەکە.

یان ئەوەتا بە بێ بوونی ژمارە ( سفر ) هەر لە خولانەوەیەکی ژمارەیی چەپگێڕی بێ ئەرزشی یەکیدا دەخولێینەوەو ناگەین بەهیچ و؛دێنەوە بۆ سەر ژمارە نەزۆکەکان و تابوتی مەرگیان بۆ هەڵ ئەچنین و ژمارەکانی ساڵ بە ژمارە دەنێژین و ناگەین بە خاڵی (سفر).
هەر لە سفریشدا بەبێ ژمارەی (سفر) دەچەقین!.