پارالێل پێچەوانەی یاسایە و جیاکاریشە لەنێوان خوێندکاراندا

ئەوەی ناویان ناوە پارالێڵ، کەقوتابی لە زانکۆی حکومی بەپارە بخوێنێت:

 

یەکەم :پێچەوانەی دەستوری عێراقە وەک باڵاترین یاسا لەعێراقدا، چونکە لەمادەی (34) دەڵێت دەبێ خوێندن لەھەموو قۆناغەكان بەخۆرایی بێت، ھەموو قۆناغەکان بەڕەھایی ھاتوە بە قۆناغی زانکۆشەوە.

 

دووەم: جیاکاریە لەنێوان قوتابیاندا، ھەمان کۆلێج و بەش لانیکەمی نمرەی پێویست بۆ وەرگرتن جیاوازیان ھەیە، بێ پارەکە نمرەی بەرزتر وەردەگرێ ئەوەش جیاکاری و غەدریشە لە خوێندکار.

 

ئاساییە زانکۆ و کۆلێجی ئەھلی ھەبن لەدەرەوەی زانکۆ و کۆلێژە حکومیەکان کە ھەموو ئەوانەش ھی بەرپرسانی حیزبەکانن، بەلام نائاسایی و نادەستوری و نایاساییە، کورسی خوێندنی زانکۆیی حکومی کە قاعەو مامۆستاو ھەموو شتێکی ھی حوکمەتە و حوکمەت خەرجیەکانی دابین دەکات بەپارەبێ، ئەو کورسیانە بۆچی بەپارە ھەن بۆچی بێ پارە نین.

 

لەراستیدا ئەوە سیستەمی پارەو بازرگانی و غەدرو جیاکاریە لەژێر ناوی پارالێلدا.

 

وەزیرە جیاجیاکانی خوێندنی باڵا بەرپرسیارن لەو سەرپێچی و بە بازرگانیکردنی خوێندن و دابەزاندنی ئاستەکەی، ھەندێکیان بەوە نەوەستاون لەماوەی چوارساڵی وەزیری خۆیاندا زانکۆی ئەھلیان دروست کردەوە خۆیان بوون بەشەریک تیایدا، زانکۆ حکومیەکانیشیان تێکداو کردیانن بە بازرگانی غەدرو پارە.


450 جار خوێندراوەتەوە