سەرۆکی ڤەنزوێلا دەڵێت پایتەختی وڵاتەکە بۆردومان دەکرێت و وەزارەتی دەرەوەش دەڵێت ئەمەریکا پێشێلکاریی یاسا نێوەدەوڵەتییەکانی کردوە بە شکاندنی سەروەریی ڤەنزوێلا و ناشتوانێت دەسەڵاتی وڵاتەکە بگۆڕێت، حکومەتی وڵاتەکەش دەڵێت ئامانجی ئەمەریکا دەستبەسەرداگرتنی نەوت و کانزاکانی ڤەنزوێلایە.

هەواڵ:KNNC

دوای دەستپێکردنی هێرشەکانی ئەمڕۆ بۆسەر کاراکاسی پایتخەتی ڤەنزوێلا، نیکۆڵاس مادۆرۆ سەرۆکی وڵاتەکە رایگەیاند: کە پایتەختی ڤەنزوێلا لەژێر موشەکبارانکردن و هێرشی قورسدایە و کاراکاس بە چڕی بۆردومان دەکرێت و باریی نائاسایی ڕاگەیاند.

حکومەتی وڵاتەکەش لەگەڵ سەرۆکنەکردنی هێرشەکانی ئەمەریکا ئاماژەی بەوەدا کە تاکە ئامانجی ئاماریکا لەم هێرشانە دەستبەسەرداگرتنی نەوت و کانزاکانی وڵاتەکەکە.

لەلایەکی دیکەوە وەزارەتی دەرەوەی ڤەنزوێلا لەبارەی ڕووداوەکانەوە ڕایگەیاند: دەستدرێژیکردنە سەر وڵاتەکە ڕەتدەکەنەوە و ئەمەریکا لەپشت هێرشەکانەوەیە، کە بۆسەر ناوەندەی مەدەنی و سەربازیی و ئابورییەکان ئەنجامدراوە، بە شکاندنی سەروەریی ڤەنزوێلا پێشێلکاریی یاسا نێوەدەوڵەتییەکانی کردوە و پێویستە کۆمەڵگەی نێوەدەوڵەتیی و ئەنجومەنی ئاساییش بێدەنگ نەبن.

وەزارەتەکە ئاماژەی بەوەشداوە، ڤەنزوێلا مافی خۆیەتی بەرگریی لەخۆی بکات بەهەر شێوەیەک بێت و سەرۆکی وڵاتەکە بڕیارێکی وای داوە کە لە دۆخی قەیراناوی ئێستا دەربازببن، ئەمەریکاش وەک هەموو جارانی پێشوو شکستدەهێنێت لە گۆڕینی دەسەڵاتی وڵاتەکە...