بەپێی پێشبینییەكانی وەزارەتی گواستنەوەی هەرێم، سبەینێ ئاسمان لەنێوان ساماڵ و نیمچە هەوردا  دەبێت و پلەكانی گەرما بەجێگیری دەمێنێتەوە.


هەواڵ: (KNNC)


وەزارەتی گواستنەوە و گەیاندنی حكومەتی هەرێمی كوردستان رایگەیاند: بەپێی پێشبینییەكانی كەشوهەوا  سبەینێ سێشەممە ئاسمانی هەرێم لەنێوان ساماڵ و نیمچە هەور دەبێت، پلەكانی گەرما نزیک دەبێتەوە لە پلە تۆمارکراوەکانى ئەمڕۆ.


رونیكردوەتەوە، خێراى "با" لەسەرخۆ و لەنێوان (5 بۆ 15) كیلۆمەتر/كاتژمێرە كە ئاڕاستەكەی لە باكوری خۆرئاواوە دەبێت، هەروەها مەوداى بینین لە نێوان (8 بۆ 15) کیلۆمەتردا دەبێت.


بەشی پێشبینی وەزارەتی گواستنەوە و گەیاندنی حكومەتی هەرێم ئاماژەی بۆ ئەوەكردوە، بەرزترین پلەی  گەرمای پێشبینیكراو بۆ سبەینێ سێشەممە پلەی سیلیزی بەم جۆرەیە لەخوارەوە خراونەتەرو؛

هەولێر : 26 پلەى سیلیزى
سلێمانی : 24 پلەى سیلیزى
دهۆک : 26 پلەى سیلیزى
کەرکوک : 27 پلەى سیلیزى
هەڵەبجە : 26 پلەى سیلیزى
زاخۆ : 27 پلەى سیلیزى
حاجی ئۆمەران : 13 پلەى سیلیزى
سۆران : 24 پلەى سیلیزى
گەرمیان : 29 پلەى سیلیزى

هاوكات، دەستەی کەشناسی عێراق ئاشكرایكردوە، پێشبینی دەکرێت، لە هەینی یەکەمی سەرەتای مانگی داهاتوەوە کەشوهەوایەکی سەخت، زریان و باران رو لە عێراق بکات و زۆرینەی ناوچەكان بگرێتەوە.

ئاماژەی بۆ ئەوەشكردوە، بەپێی پێشبینییەکانی كەشوهەوا، هەینی داهاتو باران دەست پێ دەکات و ئەگەری هەیە سێ ڕۆژ لەسەریەک بەردەوام بێت.