جارێکی دیکە بۆری ئیفراز سێی هەولێر شکا، بەڕێوەبەری ئاوی شارەکەش دەڵێت: چاککردنەوەکەی پێویستی بە 24 کاتژمێرە.

هەواڵ:KNNC

 

رابەر حسێن، بەڕێوەبەری ئاو و ئاوەڕۆی هەولێر بە کەی ئێن ئێن-ی راگەیاند، نزیکەی کاتژمێر (12:00)ی نیوەڕۆی ئەمڕۆ بۆری ئیفراز سێ-ی هەولێر لە نزیک عەنکاوە شکاوە و تیمەکانیان لە هەوڵی چاککردنەوەی بۆریەکەدان.
وتیشی، چاکردنەوەی بۆری ئیفراز سێ ماوەی 24 کاتژمێری دەوێت و تیمی پێویست و کەلوپەلی پێویست لەبەردەستدایە بۆ چاکردنەوەی.

 

راشیگەیاند، بەهۆی شکانی ئیفراز سێ-ەوە بۆماوەی 24 کاتژمێر زیاتر لە 20 گەڕەکی هەولێر بێئاو دەبن.

 

بۆریی ئاوی ئیفراز سێ، رۆژانە نزیکەی 240 ملیۆن لیتر ئاو دابیندەکات؛ ئەو بۆرییە کەوتوەتە باکووری شاری هەولێر و نزیکەی 40%ـی ئاوی شارەکە دابیندەکات.

 

لەماوەی چەند رۆژی رابردو بەهۆی نەبونی ئاوی خواردنەوە دانیشتوانی چەند گەڕەکێکی شاری هەولێر بۆماوەیەک رێگەی ناحیەی دارەتو-یان داخست و رایانگەیاند، دەبێت رۆژانە بە تانکەر ئاو بکڕن و ئاویان بۆ بەرنادرێتەوە.

 

هەولێر/ هیشام سەعید

322 جار خوێندراوەتەوە