یەدەگی زێڕی عێراق لە ماوەی ساڵێکدا 10 تۆن زیادی کردوە و گەیشتووەتە زیاتر لە 142 تۆن، ئێستا وڵاتەکە لە یەدەگی زێڕ لەسەر ئاستی وڵاتانی رۆژهەڵاتی ناوەڕاست لە پلەی پێنجەم دێت.

ئابوری:KNNC

ئەنجومەنی جیهانیی زێڕ نوێترین لیستی یەدەگی زێڕی وڵاتانی بڵاوکردەوە، بەپێی لیستەکە ئەمریکا 8هەشت هەزار و 133 تۆن زێڕی هەیە و لە پلەی یەکەم دێت، پاش ئەو ئەڵمانیا بە سێ هەزار و 352 تۆن و 600 کیلۆ زێڕەوە لە پلەی دوەم و ئیتاڵیاش، کە دوو هەزار و 451 تۆن و 800 کیلۆ زێڕی هەیە، لە پلەی سێیەم دێت.

ریزبەندیی عێراق لە دەستخستنی یەدەگی زێڕ چوەتە پێشەوە، ئێستا ئەو وڵاتە خاوەنی 142 تۆن و 600 کیلۆ زێڕە، پێنجەمین وڵاتی رۆژهەڵاتی ناوەڕاستە لە زۆریی یەدەگی زێڕەوە، لەسەر ئاستی جیهانیشدا لە پلەی 30 دێت.

لە رۆژهەڵاتی نێوەڕاست سعودیە، لوبنان، جەزائیر، لیبیا و عێراق لە پلەی یەک بۆ  پێنج بەدوای یەکدیدا دێن لە یەدەگی زێڕدا.