دوای ئەوەی ئێران و سعودیە بڕیاریاندا بەکردنەوەی باڵیۆزخانەی وڵاتەکانیان بەهای تمەنی ئێرانی بەشێوەیەکی چاوەڕواننەکراو لە ماوەی چەند کاتژمێرێکدا بەرزبوەوە.

نرخی (100) دۆلار بەرەبەیانی ئەمڕۆ یەکشەممە سێ ملیۆن و (100) هەزار تمەن بو. بەڵام لە ئێستادا (100) دۆلار بە دو ملیۆن و (978) هەزار تمەن مامەڵەی پێوەدەکرێت.

بەهۆی بڵاوبونەوەی دەنگۆی دەستپێکردنەوەی دانوستانەکانی نێوان ئێران و ئەمەریکا لەبارەی بەرنامە ئەتۆمییەکەی ئێران و بەرەو پێشچونی پەیوەندی نێوان تاران و ریاز و هێوبونەوەی دۆخی یەمەن، نرخی تمەن بەشێوەیەکی بەرچاو بەرزبوەوە.