رێکخەری ژوری یاسایی بزوتنەوەی گۆڕان: باشترین سیستەمی حوکمڕانی بۆ هەرێم سیستەمی پەرلەمانییە

KNN : Kurdish News Network
12:39 - 21/06/2021
کوردستان

رێکخەری ژوری یاسایی بزوتنەوەی گۆڕان رایدەگەیەنێت: نابێت دەستور بە ئەقڵیەتی کەمینە و زۆرینە بنوسرێتەوە. دەشڵێت: باشترین سیستەم بۆ هەرێمی کوردستان سیستەمی پەرلەمانییە.

لە پانێڵی بەرەو دەستورێکی دیموکراسی بۆ هەرێمی کوردستان کە لە سلێمانی بەرێوەدەچێت، چۆمان محەمەد رێکخەری ژوری یاسایی بزوتنەوەی گۆڕان رایگەیاند: گۆڕان هەمیشە وەک پرسێکى گرنگى نیشتمانى سەیری دەستورى کردووە و هەمیشە وتویەتى دەبێت خەڵک بنچینەى نوسینەوەى دەستور بێت.

رونیکردەوە، ئێستا کاتێکى گونجاو نیە بۆ نوسینەوەى دەستوور، چونکە متمانەى خەڵک بە حزب و لایەنە سیاسییەکان لە ئاستێکى زۆر خراپدایە و خەڵک پێویستى بەباشکردنى بارى دارایی هەیە.

چۆمان محەمەد ئاماژەى بەوەشکرد، نابێت دەستور بە ئەقڵیەتى کەمینە و زۆرینە مامەڵەى لەگەڵدا بکرێ، چونکە دەستوور بۆ هەموو تاکێکى کوردستانە.

هەروەک جەختیکردەوە: باشترین سیستەمی حکومڕانی بۆ هەرێمى کوردستان سیستەمی پەرلەمانییە.

244 جار خوێندراوەتەوە