محەمەد قالیباف بە سەرۆکی پەرلەمانی ئێران هەڵبژێردرا

09:23 - 28/05/2020
جیهان

لەدوای دەستبکاربوونی خولی یانزەهەمینی پەرلەمانی ئێران،هەڵبژاردن بۆ سەرۆکی پەرلەمان بەڕێوەچوو و محەمەد قالیباف بە زۆرینەی دەنگ بوو بە سەرۆکی پەرلەمان.

 

میدیاکانی ئێران بڵاویانکردوە،لە کۆی دەنگی 290 پەرلەمانتار، قالیباف 230 دەنگ و فەرەیدون عەباسی 21 دەنگ و مستەفا میرسەلیم 12 دەنگیان بە دەستهێناوە.

 

محەمە قالیباف بە سیاسیەکی باڵی موحافیزکار دادەنرێت و پێشتریش چەندین پۆستی هەبووە.

 

لەساڵی2000 بۆ 2005 فەرماندەی پۆلیسی ئێران بووە و لە ساڵی 2005 هەتا 2017 سەرۆکی شارەوانی تاران بووە.


لە خولی پێشووی هەڵبژاردنی سەرۆکایەتی، کاندیدی سەرۆکایەتی کۆمار بووە بەڵام دواتر کشایەوە.

331 جار خوێندراوەتەوە