روانگەی سوری بۆ مافەکانی مرۆڤ رایگەیاند، شەوی رابردوو هێزەکانی سوریای دیموکرات لە سەرێ کانی هێرشی پێچەوانەیان کردووەتەسەر سوپای تورکیا و چەکدارانی سەر بە تورکیا و چەند ناوچەیەکیان کۆنترۆڵکردووەتەوە.
روانگەی سوری بڵاویکردووەتەوە، شەوی رابردوو، هەسەدە، لە سەرێ کانی، هێرشی پێچەوانەی دەستپێکردووە و سێ ناوچەی گرنگی لە چەکدارانی سەر بە تورکیا و سوپای تورکیا پاککردووەتەوە.
راشیگەیاند، سەرەڕای بەردەوامی تۆپباران و بۆردومانی تورکیا، پێشڕەویەکی باشیان کردووە.
ئامای بەوەش کردووە، بۆ رۆژی حەوتەم، بۆردومان و تۆپبارانی سەختی تورکیا بۆسەر سەرێ کانی بەردەوامە.
ماوەی هەفتەیەکە، هێرشی ئاسمانی و زەمینی تورکیا بۆسەر ڕۆژئاوای کوردستان بەردەوامە و تاوەکو ئێستا هێزەکانی هەسەدە بەرگری سەخت دەکەن و رێگریان لە پێشڕەوی تورکیا گرتووە.
10332 جار خوێندراوەتەوە