دوای ئەوەی حوسییەکانی یەمەن ڕایانگەیاند دوو هەزار چەکداری لایەنگری سعودییەیان بەدیلگرتووە، ئەـرۆ ڤیدیۆکەیان بڵاوکردەوە.

لە بەیاننامەیەکدا حوسییەکانی یەمەن دەڵێن، لە دوای كەمین و پلان دانان بۆ ماوەی چەند مانگێك توانیویانە ئەو چالاكیە ئەنجامبدەن كە ٢٠٠٠ سەربازی یەمەنی و سعودی و سودانی دەستگیر بكەن.

بەپێی زانیارییەکانی میدیا جیهانییەکان حوسیەكان لە ناوچەی نەجرانی سنوری هاوبەشی نێوان سعودیە و یەمەن ماوەی سێ مانگ بە تاكتیك هەر جارەی لە ناو چەیەك پاشەكشەیان كردووە ئەو سێ لیوایەی سوپای سعودیە كەزۆرینەیان یەمەنی و سودانی و سەربازی ئەفەریقین و بە پارە شەڕ بۆ سعودییە دەکەن دەبنە ناوچەیەكی داخراو و دواتر لە هێرشێکدا دەستیگریان دەکەن.

ڤیدیۆکە لە تەلەڤزیۆنی "المسیره"ی نزیک لە حوسییەکان بڵاوکراوەتەوە و دەری دەخات چەکدارەکان چەکەکانیان دەخەنە زەوی و خۆیان رادەست دەکەن.
بڵاوکردنەوەی ڤیدیۆکە و ڕاگەیاندنی بە دیلگرتنی دوو هەزار لایەنگرانی سعودییە لە کاتێکدایە کە سعودییە هیچ لێدوانێکی فەرمی لەوبارەیەوە نەداوە و بێدەنگی هەڵبژاردووە.

بەدیلگرتنی ئەو ژمارە زۆرە لە چەکداری نزیک لە سعودییە لەکاتێکدایە کە ١٤ی ئەم مانگە حوسییەکان بڵاویانکردەوە ئەوان بوون هێرشی سەر دامەزراوە نەوتییەکانی سعودییەیان کردووە و لە ٪٥ی بەرهەمی نەوتی جیهان لەو هێرشەدا وەستا.