قالیباف ڕەخنەی توند لەو ڕاوێژانە دەگرێت کە دەدرێنە حکومەتی ئەمریکا و ڕایدەگەیەنێت، بەهۆی ئەو بیرکردنەوە هەڵانەوە نرخی نەوت گەیشتووەتە سەروو 120 دۆلار و پێشبینیش دەکرێت بگاتە 140 دۆلار.

محەمەد باقر قاڵیباف سەرۆکی پەرلەمانی ئێران لە لێدوانێکدا ئاماژەی بەوە کرد، سێ ڕۆژ تێپەڕیوە و هیچ بیرە نەوتێک نەتەقیوەتەوە، لەو بارەیەوە وتی: "دەتوانین ئەم ماوەیە بۆ 30ڕۆژ زیاد بکەین و لێرەوە بە شێوەیەکی ڕاستەوخۆ دیمەنی بیرە نەوتەکان پەخش بکەین."

هەروەها ڕەخنەی توندی لەو کەسانە گرت کە ڕاوێژ بە حکومەتی ئەمریکا دەدەن و ڕایگەیاند: "ئەمە ئەو جۆرە ئامۆژگارییە بێمانایانەیە کە حکومەتی ئەمریکا لە کەسانی وەک بێسێنت وەردەگرێت، کە هاوکات بانگەشە بۆ بیرۆکەی گەمارۆدان دەکەن و نرخی نەوتیان گەیاندە سەروو 120 دۆلار، وێستگەی داهاتووی نرخی نەوتیش 140 دۆلارە."

لە کۆتاییدا قالیباف جەختی لەوە کردەوە کە کێشەکە تەنها لە هەبوونی بیرۆکەی هەڵەدا نییە، بەڵکو "شێوازی بیرکردنەوە و عەقڵییەتی هەڵەیە."