وەزیری دەرەوەی ئێران دەڵێت بەڵگەیان لەبەردەستە کە ئەمەریکا و ئیسرائیل دەستوەردانیان کردوە لە ناڕەزایەتییەکانی ئێراندا و بە مەبەست فەرمانکراوە بە تەقەکردن لە خۆپیشاندەران بۆ زیادکردنی ژمارەی قوربانییەکان.

هەواڵ:KNNC

عەباس عەراقچی وەزیری دەرەوەی ئێران لە نوێترین لێدوانیدا ڕایگەیاند: دەربڕینی ناڕەزایەتیی ئاسایی یە، بەڵام ئەوەی لە ئێران دەگوزەرێت تەنها دەربڕینی ناڕەزایەتی نییە بەڵکو ئامنجی دیکە لەپشت ئەو ڕووداوانەن و دەستی دەرەکیی دەیەوێت دۆخی ئێران بتەقێتەوە.

عەراقچی وتیشی، بەڵگەی تەواویان لەبەردەستە کە ئەمەریکا و ئیسرائیل دەستوەردانیان کردوە لە خۆپیشاندانەکانی ئێراندا و هاوکایی گروپە دژبەرەکانی حکومەت دەکەن.

ئاماژەی بەوەشدا، بە ئامانجگرتنی بنکە و ناوەندە گشتیی و حکومەییەکان شتێک نین لەخۆڕا ڕووبدەن، بەڵکو فەرمان بەو گروپە تایبەتانە کراوە کە لەنێو خۆپیشاندەراندان، بەوەی هێرش بکەنە سەر ئەو ناوەندانە و تەنانەت تەقە لە خۆپیشاندەران بکەن تا ژمارەی قوربانییەکان زیادببێت و ئێران ناشرین نیشان بدرێت...