پرۆژەی چاکسازی خانەنشینی جگە لەوەی بە جۆرێک لە جۆرەکان هۆکاری کەمکردنەوەی ناعەدالەتیە لە لیستی مووچەدا ،دەبێت هۆکارێکیش بێت بۆ زیادکردنی داهاتی ناوخۆ هەڵبەت ئەم زیادکردنی داهاتە لە سەر قوت و مووچەی فەرمانبەرە یاسایەکان نەبێت، بەڵکو دەبێت لەسەر مووچەی بندیوار و پلە باڵا نایاسایەکان بێت بۆ نموونە.

پەرلەمانتاری پێشوو بە ٤ ساڵ خزمەت خانەنشین کراوە بە (٦.٤٠٠.٠٠٠) دینار ، بەڵام لەم پرۆژە دەبێت ١٥ ساڵ خزمەتی هەبێت و تەمەنی ٤٥ ساڵی تێپەراندبێت.

بەزمانی ژمارە ئەگەر وای دانێن مووچەی پلە باڵایەک بڕی (٨٠٠٠،٠٠٠) دینارە و تەمەنی (٤٥) ساڵی تێپەراندوە و (١٥) ساڵ خزمەتی یاسای هەیە ئەو دەمە رێژەی (%٢٥) مووچە گشتیەکەی واتا (٨٠٠٠،٠٠٠) وەردەگرێت دەکاتە(٢٠٠٠،٠٠٠) دینار بۆ هەر ساڵێکی خزمەتی رێژەی لە (%٢.٥) دەچێتە سەر موچەکەی لە مووچە گشتیەکەی واتا لە (٨٠٠٠،٠٠٠)دینارەکە بەم پێیە دەبێت (٨٠٠٠،٠٠٠ لێکدانی %٢٠٥=٢٥٠،٠٠٠) بۆ هەر ساڵێک. کەواتە (٢٥٠،٠٠٠ لێلدانی ١٥ =٣٠٠٠،٠٠٠دینار.

کەواتا کۆی گشتی مووچەی خانەنشینی پلە باڵایەک کە مووچەکەی (٨٠٠٠،٠٠٠)دینار بوو بێت تەمەنی (٤٥)ساڵی تێپەراندبێت و (١٥)ساڵ خزمەتی یاسای هەبێت دەکاتە بڕی (٥٠٠٠،٠٠٠) دینار..

بەم پێیە بۆ هەر پلە باڵایەکی مووچە (٨٠٠٠،٠٠٠) دیناری ، مانگانە بڕی (١،٤٠٠،٠٠٠) دینار دەگەرێتەوە بۆ خەزینەی گشتی وڵات...

خاڵی جەوهەری کە دەبێت باس بکرێت لە پەرلەمان بۆ تعدیل کردنی ئەم پرۆژەیە پێدانی (%٢٥) مووچەی بنەڕەتیە نەک مووچەی گشتی ئەو دەمە مووچەی پلە باڵایەکی (٨٠٠٠،٠٠٠) دیناری دەبێت بە بڕی (٢،٥٠٠،٠٠٠) دوای (١٥) ساڵ خزمەت و (٤٥) تەمەن...