دوعای ئەهریمەن گیرابوو
كۆچ وا ناوادە و خێرا بوو
ئەمڕۆ ئەڵێی ئەو رۆژەیە
یوسفی حەق لە بیرابوو
***
تۆ بۆ شۆڕش ئەقڵ و دیدەی
بەخششی زۆر مابوو بیدەی
پەردەی خامۆشی بدڕێنە
قسەی ترت مابوو بیكەی
***
تۆ بێ دەنگ بی ئەی كێ بدوێ؟
تۆ هەڵوەرێی ئەی چی بڕوێ؟
لەناو ئەم گەلەگورگەدا
شوان چۆن ئەنوێ؟
***
رۆح سوك وەك پێشمەرگەی جاران
رۆشن وەك پەیامی باران
وەرەوە ناو ماڵی دڵم
ئەی خۆشەویستی هەژاران
***
ئای چەند رۆحێكی گەورەیە
هەموو گردێك زەرگەتەیە
هەتا چەوساوەیەك مابێ
باس باسی كاكە نەوەیە
نوسه‌ر له 21/5/2017 له رۆژنامه‌ی كوردستانی نوێ بڵاوی كرده‌وه
1702 جار خوێندراوەتەوە