ئێمە کە یادی سەردەشت بەرزو پیرۆز ڕائەگرین، خۆ لەبەر ئەوەنیە کە نوسەرێکی موهیم بووبێت، سەردەشت لە کایەی ڕۆشنبیریی ئێمەدا، نەك قەڵەمێکی باڵا، قەڵەمێکی مام ناوەندیش نیە، بەڵکو شتەکە لەبەر ئەوەیە کە تازە ئەو بووە بە سەنگەرێك، لەوێوە شەڕی ئازادیی ئەکەین.
ئێمە کە یادی کاوە بەرزو پیرۆز ڕائەگرین، خۆ لەبەر ئەوەنیە کە کاوە قەڵەمێکی موهیم بووبێت، ڕەنگە نیوە زیاتری بەرکارهێنەرانی فەیسبوکی ئێمە، توانای نوسینیان لە کاوە باشتربێت، بەڵکو شتەکە لەبەر ئەوەیە کە تازە کاوە بووە بە سەنگەرێك، لەوێوە شەڕی فەساد ئەکەین.
ئەو قسانە زۆر تەنك و بێ قووڵایین، کە گوایە ئەم شین و مەزارو زیارەتە.. گەڕانەوەبێت بۆ دواوە، ئەوە گەڕانەوە نیەو ڕێك ئێستایە
بەهەمان شێوە، ئێمە کە یادی نەوشیروان بەرزو پیرۆز ڕائەگرین، لەبەر ئەوەنیە کە نەوشیروان فریشتەو پێغەمبەر بووبێت، بەڵکو دوای حساب و کتاب و بینینی هەموو هەڵەو کێماسییەکانی، ئینجا هێشتا ئەو کێوی ئیرادەو قەڵای ورەو سەنگەری پۆڵایینی ئێمەیە دژی ستەمکاریی!
ئەمە تەنیا بۆ مردوەکان نیە، مەسەلەن کەسێکی وەکو پەشێو، کە من بەرزو پیرۆز ڕایئەگرم، خۆ لەبەر شیعرو ئەدەب نیە، ئەو پیاوە هەرچەن شاعیرێکی گەورەی ئێمەیە، بەڵام سی ساڵ زیاترە قۆناغی شیعری ئەو تێپەڕیوەو کۆتایی هاتووە، بەڵکو شتەکە لەبەر ئەوەیە ئەو پیاوە سەنگەرێکی پتەوی هەڵوێستە.
ئەوانەی لەوێن هەمان ئەوانەن کە دژی ستەمکاری و فەسادن و چاویان لەوەیە کە دەسکاری ئێستا بکەن و ئاییندەیەکی جیاواز بەرهەم بێنن، ئەمە جیایە لەگەڵ شوێنێکی تر کە خەڵکەکەی پارێزەری ستەمکاری و فەسادەکەن
سەیرکە کەوتنێکی قورس، کە بەشی نائومێدی و بڵاوەلێکردنی چەن مانگ و ساڵێك ئەکات، بەڵام دوای تەنیا حەفتەیەك، دیسان دەیان و سەدان هەزار کەس لە شوێنێك کۆئەبنەوە، بە هەمان ئیرادەو هیواو حەماسەوە وەك ئەوەی هیچ نەبووبێت!
سەیرکە لەو کاتەیا کە هەموو شتێك کەوتووە، هێشتا خاڵێك بە پێوەیەو خەڵکیش ئەخاتەوە سەرپێ، دەی ئەم وزەیە کە هەیەو کە ئیش ئەکات، ئەبێ وەکو خۆی بیبینیت، نەك ئەوەی بیچووێنی بە هەندێ گۆڕو شوێنی تر کە خاوەنەکانی هەر بەزیندوویی ئیشیان تەواوبووبوو!
ئەم وزەیە لەبری ئەوەی بە قسەی موسەقەفانەی بێتام فەرامۆشبکرێ، یان لەلایەن هەلپەرستانەوە ئستغلال بکرێ، گرنگە ئیستسماربکرێ، ئەو پیاوە خۆشی هەر بۆ ئەو ئیستسمارە لەوێ پاڵکەوتووە!
ئەو قسانە زۆر تەنك و بێ قووڵایین، کە گوایە ئەم شین و مەزارو زیارەتە.. گەڕانەوەبێت بۆ دواوە، ئەوە گەڕانەوە نیەو ڕێك ئێستایە، چونکە نەوشیروان وەزیفەی تەواونەبووەو هێشتا بە قورسی لەناو ئێستاکەدا ئامادەیەو نەبووە بەڕابردوو تا گەڕانەوەیەك لەئارادابێت، ئەو خەڵکەش لە دەوری بەهێزترین خاڵی ئێستایان کۆبوونەتەوە، نەك لە شوێنێك کە پەیوەندی بە ڕابردووەوە هەبێت.
ئەوانەی لەوێن هەمان ئەوانەن کە دژی ستەمکاری و فەسادن و چاویان لەوەیە کە دەسکاری ئێستا بکەن و ئاییندەیەکی جیاواز بەرهەم بێنن، ئەمە جیایە لەگەڵ شوێنێکی تر کە خەڵکەکەی پارێزەری ستەمکاری و فەسادەکەن و ئەچن لەوێ بەڵێنی پاراستن و هێشتنەوەی دووپات ئەکەنەوە!
ئەوترێ ئەو خۆی دژی ئەو شتانەبوو، ئەمە ڕاستە، بەڵام ئەو لە هەمووانیش هۆشیارتربوو بە دۆخی سیاسی کۆمەڵگای ئێمە، ئەو چاوی لە سیستەمێکی دیموکراسی مەدەنی دامەزراوەیی دادپەروەربوو.. بەڵام تا ئەو ڕۆژە ڕەنگە سەت ساڵی تری بوێت، دەی لەو نێوانەدا هێشتا کارێزما رۆڵی خۆی هەیەو ئەبێ بشیگێڕێ، ئەویش بۆ ئەو ڕۆڵەو بۆ خۆنەدزینەوە لەو ئەرکە، گردی زەرگەتەی هەڵبژاردو نەچووە سەیوان!
بۆیە ئەو پرسیارە مەوزوعیی نیە کە ئەڵێ (ئەی دوای نەوشیروان چی؟) چونکە دوای نەوشیروان هێشتا دەستی پێنەکردوە، ئەو هێشتا خۆی مەوجودەو لە هەمووان باشتر بەرگری لە پرۆژەکانی خۆی ئەکات!
پرسیاری دروست ئەوەیە بوترێ (ئەی لە تەنیشت نەوشیروانەوە چی؟) چونکە ناشکرێ هێزێکی سیاسیی و پرۆژەی گۆڕانکاریی تەنیا لەسەر سەرمایەی مەعنەوی سەرکردەیەك وەستابێت!
بەڵکو ئەبێ لە تەنیشت ئەوێکی بەهێزدا، خاڵی هێزی تر دروست بکرێ، کە بە ڕای من گرنگترینیان بەرهەمهێنانی هۆشیاریی و پەروردەی گۆڕانخوازییە، مەسەلەی گۆڕو مەزاریش هەر لێرەوە تێئەپەڕێنرێ، نەك بە قسە فڕێدانی موسەقەفانەی بێ ئەرزش.
مەسەلەن سەرنجتان ڕائەکێشم بۆ ئەم توێژینەوەیەی هاوڕێ (ستەم کامیل) ئەمە ناسینێکە بۆ گۆڕان کە بڕوام وایە نەك هەر خەڵکەکەی خوارەوەیان، بەڵکو قیادەکەی سەرەوەشیان وا خۆیان ناناسن!
گرنگە ئیتر ڕاگەیاندنی گۆڕان لە موهاتەرات و بەرمیل حساب کردن دووربکەوێتەوەو مەساحەیەکی باش تەرخان بکات بۆ بڵاوکردنەوەی ئەم جۆرە لە هۆشیاریی گۆڕانخوازیی، هەروەها کاری ڕێکخستنیشی لەسەر بکرێ و کەوادری لەسەر پەروەردە بکرێ.
لینکی نوسینەکە
بێمەوە سەر باسەکەی خۆم، بەڵێ کەسەکان پیرۆزنین، سەنگەرەکانی ئازادیی و دژە ستەمکاریی پیرۆزن ئەگەرچی کەسیش بن. ئەوان وەکو سەنگەرێك و وزەیەك و وەزیفەیەك پیرۆزن نەك وەکو کەسێك.
3266 جار خوێندراوەتەوە