ئەمڕۆ و بەیانی کەشەکە بەهاریی دەبێت و دووبەیانیش شەپۆلێکی نوێی بارانبارین ڕوو لە هەرێمی کوردستان دەکات، کەشناسێکیش دەڵێت بارانبارینی ئەمساڵ زۆرباش دەبێت.

هەواڵ:KNNC

کەشناسیی هەرێمی کوردستان پێشبینییەکانی کەشوهەوای بڵاوکردەوە و بەپێی پێشبینییەکان کەشی ئەمڕۆ و سبەی خۆشدەبێت و بەهارییە، بەڵام لە ئێوارەی سبەینێوە ئاسمانی هەندێک ناوچە و بە تایبەت شاخاوییەکان دەگۆڕێت بۆ هەوری تەواو.

کەشناسیی وتویەتی، ئەم دوو ڕۆژە ئاسمان ساماڵ و پەڵەهەوردەبێت و پلەکانی گەرماش بەرزدەبنەوە بە جۆرێک بەرزترین پلەکانی گەرما لەنێوان 4 بۆ 21 پلەی سیلیزییدا دەبن.

بەپێی پێشبینییەکان لە هەینییەوە واتا دووبەیانی، شەپۆلیکی نویی بەفروباران ڕوو لە تەواوی هەرێمی کوردستان دەکات و لە تەواوی ناوچەکان باران دەبێت و لە ناوچەشاخاویی و سنوریی و بەرز و ساردەکانیش بەفر دەبارێت.

لای خۆشییەوە کەشناس ئاراس جەبار ڕایگەیاند: پێسبینی دەکرێت ڕێژەی بەفر و بارانبارین بۆ ئەم مانگە لە ئاستێکی ئاساییدا بێت، زانیارییە دڵخۆشکەرەکە سەبارەت بە مانگی شوبات و ئازارە واتا 2 و 3  که پێشبینی دەکرێت ئەو دوو مانگە ڕێژەی دابارینی بەفروباران لەناوچەکانی هەرێمی زیاتر لە سەرو ئاساییبن، چەندین شەپۆلی بەهێزی باران و بەفر لەماوە جیاوازەکانی ئەو دوو مانگەدا ناوچەکە بەگشتی بگرێتەوە واتا پێشبینی دووبارە گەڕانەوەی ماوەی وشکی درێژخایەن لەکەشوهەوای ناوچەکەدا ناکرێت تا کۆتاییەکانی وەرزی زستانی ئەمساڵ....