بەرپرسێکی هەسەدە ئەو تۆمەتانە ڕەتدەکاتەوە کە باس لە بۆردومانکردنی ناوچە سڤیلییەکان دەکەن لەلایەن هەسەدەوە و دەڵێت پێچەوانەکەی ڕاستە و بەهۆی هێرشی چەکدارانەوە خڵکی سڤیل لە ناوچە کوردییەکان شەهیدبووە.

هەواڵ:KNNC

ئاڵۆزییەکانی شێخ مەقسود و ئەشرەفییەی حەلەب بەردەوامە و لەوبارەیەوە سایڵ زوبع جێگری وتەبێژی هەسەدە ڕایگەیاند: تەواوی ئەو دنگۆیانەی باس لە بە ئامانجگرتنی ناوچە سڤیلییەکانی حەلەب دەکەن لەلایەن هەسەدەوە ناڕاستە و بە هیچ جۆرێک هەسەدە بۆردومانی نەخۆشخانە و شوێنە گشتییەکانی نەکردوە وەک دەستپێشخەر بۆ شەڕ.

بەرپرسەکەی هەسەدە وتیشی، پێچەوانەی ئەو قسانە ڕاستە و چەکداران سەرەتا هێرشیان کردوەتە سەر گەڕەکە کوردنشینەکان و بوونەتە هۆی شەهیدکردنی ژنێکی سڤیل، دواتر شەڕ و ئاڵۆزییەکانی پەرەیان سەندوە.

لە بەشێکی قسەکانیدا ئاماژەی بەوەدا، ئەوانەی هەسەدە بەو جۆرە قسانە تۆمەتبار دەکەن و قسەی ناڕاست و چەواشەکاریی لەبارەی هەسەدە بڵاودەکەنەوە، ئامانجی دیکەیان هەیە و ئەو شتەش بۆ هەسەدە و هەموو لایەک ڕوونە کە بەرژەوەندی ئەو هەواڵانە بۆ کێیە و لە چیدایە...