کەى ئێن ئێن وردەکاریی شەڕى نێوان دوو هاوڵاتیی لە قەزاى خەبات بڵاودەکاتەوە

KNN : Kurdish News Network
09:13 - 09/07/2024
کوردستان
+
-

بەرەبەیانى ئەمڕۆ شەڕى چەکداریی روبەڕو لەنێوان چەند کەسێکدا رویدا، دوو کەس کوژراون و یەکێکیان کارمەندى سکیوریتییە.

هەواڵ:KNNC

 

بەرەبەیانى ئەمڕۆ، لەبەردەم پاڵاوگەى (کار گروپ) لە ناحیەى کەورگۆس- سەر بە قەزاى خەبات شەڕ لەنێوان کارمەندێکى سکیوریتى و شۆفێرى تانکەرێک رویداوە و بە چەک روبەڕوى یەک بونەوە و هەردوکیان لە روداوەکەدا کوژراون.

 

بەپێی ئەو زانیارییانەى دەست کەى ئێن ئێن کەوتوە؛ کارمەندى سکیوریتییەکە ناوى دارەوان نەزیرە و حەکیم کاکلیش شۆفێرى تانکەرە هەردوکیان چەکى جۆرى کڵاشینکۆفیان پێبوە و تەقەیان لە یەکتر کردوە، ئەم شەڕە روبەڕوەش لەلایەن کەسانى نزیک لە شەڕەکەوە ڤیدیۆ گیراوە و برینداریش لەم روداوە کەوتوەتەوە.

 

لەبارەى هۆکارى ئەم شەڕەقەتەیەوە کە رویداوە پەیامنێرى کەى ئێن ئێن رایگەیاند؛ تا ئێستا هۆکارەکەى ناڕونە و لایەنى پەیوەندیداریش هیچ رونکردنەوەیەکى لەوبارەبەوە بڵاونەکردوەتەوە و پۆلیس دەستى بە لێکۆڵینەوەکانى کردوە، بەڵام بەپێی زانیارییە سەرەتاییەکانى دەست کەى ئێن ئێن کەوتوە، شەڕەکە لەسەر سەرەگرتنى تانکەرى نەوت رویداوە و دروستبوە.


2763 جار خوێندراوەتەوە