وەزیری دارایی و ئابوری حکومەتی هەرێم کوردستان دەڵێت: دڵخۆشم بە ئەنجامی کۆبونەوەکەی ئەمڕۆ کە چارەسەری کێشەکان بکەین، دوپاتیشی دەکاتەوە کە : لێکتێگەیشتنی باش هەیە کە موچەی فەرمانبەران لە ئینفاقی فیعلی بەدەربکرێت.

هەواڵ:KNNC

ئاوات جەناب نوری، وەزیری دارایی و ئابوری حکومەتی هەرێمی کوردستان لە بەرنامەی رۆژەڤی کەناڵی (کەی ئێن ئێن) باسی لە ناوەڕۆکی کۆبونەوەکەیان کرد لەگەڵ وەزیری دارایی عێراق و لیژنەی دارایی ئەنجومەنی نوێنەران و وتی:"ئاسۆی چارەسەری کێشەکان دەرکەوتوە و پێشتر زانیاری نادروست درابو بە لیژنەی دارایی پەرلەمانی عێراق".

وەزیری دارایی دڵخۆشی خۆی بە ئەنجامی کۆبونەوەکە دەربڕی و دوپاتی کردەوە کە "ئەرکی ئێمەیە داکۆکی لە موچەخۆران بکەین".

بەوتەی ئاوات جەناب نوری "لێکتێگەیشتنی باش هەیە کە موچەی فەرمانبەران لە ئینفاقی فیعلی بەدەربکرێت و موچە لەڕێی ئەو بانکانەوە دابەش بکرێت کە لەلایەن حکومەتی عێراقیەوە متمانەیان پێدراوە".

سەبارەت بە وادەی چارەسەرکردنی کێشەکانیش لەگەڵ بەغداد بەتایبەت پرسی موچەی فەرمانبەران، وەزیری دارایی وتی:"پێشبینی دەکەین لە ساڵی نوێوە کێشەکانمان لەگەڵ بەغداد چارەسەربن".