سوپای ئیسرائیل، بە مەبەستی دابەشکردنی هاوکاری مرۆی لە کەرتی غەززە، ئاگربەستی کاتی و تەکنیکیان لە چەند ناوچەیەک ڕاگەیاند، دەڵێت: ئاگربەستەکە ئەو شوێنانە ناگرێتەوە کە چەکدارانی حەماس تێدا چالاکن. 

هەواڵ:KNNC

وتەبێژی سوپای ئیسرائیل لە بەیانامەیەکدا ڕایگەیاند؛ لە چوارچێوەی هەوڵەکانی سوپا بۆ زیاد کردنی شوێنی دابەشکردنی هاوکارییە مرۆییەکان لە کەرتی غەززە، سوپا ئاگربەستی کاتی و تەکنیکی ڕاگەیاند لە نێوان کاتژمێر 10ی بەیانی تاوەکو هەشتی شەو ئاگربەستەکە بەردەوام دەبێت واتا بۆ ماوەی 10 کاتژمێر دەبێت. 

بەپێی بەیانامەکە، ئاگربەستەکە لە ناوچەکانی مواسی و دێر بەلەح و چەند ناوچەیەک ناو غەززە دەگرێتەوە، بەڵام ئەو شوێنانە ناگرێتەوە کە چەکدارانی بزوتنەوەی حەماس تێدا چالاکن، هەروەها بڕیارەکە بە هەماهەنگی لەگەڵ نەتەوەیەکگرتوەکان و ڕێکخراوە نێودەوڵەتییەکانی دیکە بوە.

هەر لە چوارچێوەی ئەو ئاگربەستە، سوپای ئیسرائیل، هاوکاری مرۆی زیاتر لە ڕێگەی ئاسمانەوە هەڵدەداتەوە خوارەوە و لە نێوان کاتژمێر شەشی بەیانی بۆ 11ی شەو ڕێگە بە هاوکاری ڕێکخراوەکە دەدرێت کە لە ناو کەرتی غەززە هاتوچۆ بکەن و هاوکاری دابەشبکەن.