سیستەمی GPS بۆ ئۆتۆمبێلەکانی گواستنەوەی قوتابیان جێگیر دەکرێت
هەوڵ:KNNC
لە کۆبوونەوەیەکی هاوبەشدا بە ئامادەبوونی نوێنەرانی بەڕێوەبەرایەتییەکانی ئاسایش، گواستنەوە و گەیاندن، سەندیکای شۆفێران و نوێنەرانی بەڕێوەبەرایەتییەکانی پەروەردەی ڕۆژهەڵات و ڕۆژئاوا، بڕیارێکی گرنگ لەبارەی ڕێکخستنەوەی هاتوچۆی قوتابیان و خوێندکاران درا.
لە کۆبوونەوەکەدا بڕیار درا بە مەبەستی زیادکردنی ئاستی سەلامەتی و چاودێریکردنی وردی هێڵەکانی گواستنەوە، سیستەمی شوێنکەوتنی (GPS) لە ناو تەواوی ئەو ئۆتۆمبێلانەدا دابنرێت کە ئەرکی گواستنەوەی قوتابیانیان لە سنووری هەردوو بەڕێوەبەرایەتی پەروەردەی ڕۆژهەڵات و ڕۆژئاوا لە ئەستۆیە.
بڕیارە لە ئایندەیەکی نزیکدا ئەم پڕۆژەیە بچێتە قۆناغی جێبەجێکردنەوە و سەرجەم پاس و ئۆتۆمبێلەکانی گواستنەوەی خوێندکاران بگرێتەوە.
118 جار خوێندراوەتەوە