تەنها دوو ڕۆژ تێپەڕیوە بەسەر ئاگربەستی نێوان هەسەدە و دیمەشقدا و بۆ ڕاگرتنی شەڕ و چەکدارانی حکومەتی سوریا هێرشیان کردە سەر شەڕڤانانی هەسەدە.

هەواڵ:KNNC

هەسەدە لە بەیاننامەیەکدا بڵاویکردەوە، کە حکومەتی سوریا پێشێلکاریی ئەنجامداوە و لە کەناری ڕۆژئاوا فوڕاتەوە هێرشیان کردوەتە سەر پێگەیەیەکی هێزەکانیان لە سنوری دێرەزوور.

هەسەدە ئاماژەی بەوەشداوە، کە لە ئانجامی هێرشەکەدا شەڕڤانێک بە سەختی برینداربووە و لە نەخۆشخانە چارەسەر وەردەگرێت.

ئەوەش لە کاتێکدایە پاش نزیکەی هەفتەیەک ڕووبەڕووبوونەوەی سەخت لەنێوان هەسەدە و چەکدارانی حکومەتدا لە غانم عەلی ڕەققە، بە نێوەندگیریی هاوپەیمانان هەردوولا ئاگربەستیان ڕاگەیاند و ئەم هێرشەش واتای پابەندنەبوونی حکومەتە بە پاراستنی ئاشتییەوە.

هەسەدەش پێشتر وتویەتی ئەوان لەگەڵ ئاشتییدان بەڵام بۆ پاراستنی خاک و خەڵک گوێ بە هیچ شتێک نادەن و وەڵامدانەوەی توندیان بۆ هێرشی هەرلایەک دەبێت...