سەرۆکى ئەمەریکا یەکەم لێدوانى لەدواى ئاگربەستى ئێران و ئیسرائیل  راگەیاند و دەڵێت: هەر کە ئاگربەست راگەیەنرا،  ئیسرائیل هێرشى کردەسەر ئێران و من دڵخۆش نیم بەوکارە ئێرانیش هەر هێرشى کرد، بەڵام من زیاتر لە ئیسرائیل پەستم.

هەواڵ:KNNC

ترەمپ لە کۆنگرەیەکى رۆژنامەوانییدا وتیشى: پێویستە هەردو ئارام بکەینەوە، چونکە دوبارە دەستیان بە هێرشەکانیان کردوەتەوە؛ هەرچەندە بڕوا ناکەم بە مەبەست ئەو پێشێلکارییەیان کردبێت.

جەختیشى کردەوە کە بەرنامەى ئەتۆمیی ئێران لەناوچوە و فڕۆکەوانەکانى ئەمەریکا کارێکى زۆر باشیان کردوە دەشڵێت: میدیاى ساختەى وەک سی ئێن ئێن رەنگە بڵێن بەرنامە ئەتۆمییەکەى ئێران بە تەواوى لەناو نەچوە، بەڵام ئەوان بەو راپۆرتانە سوکایەتیی بە فڕۆکەوانەکانمان دەکەن و پێویست بو ئەو قسانە نەکەن.

ئەمڕۆ ئاگربەستى نێوان ئێران و ئیسرائیل لەسەر بڕیارى سەرۆکى ئەمەریکا راگەیەنرا، بەڵام چەند کاتژمێرێکى کەم دواى ئاگربەستەکە ئیسرائیل وتى: ئێران هێرشى موشەکى بۆسەرمان ئەنجامداوە و سەرۆک وەزیرانى ئیسرائیلیش فەرمانیدا بە وەڵامدانەوەیان و وتى: لە دڵى تاران دەدەین.