کەی ئێن ئێن لەزەمەنێک لەدایک بوو کە دەنگەبیستراو وبینراوەکان بەجۆرێک کپکرابون مەهام و کاری ئەساسی میدیای لەدیسپلین و ئەتەکێتی میدیای دەرچوبو بۆشاییەکی گەورەی میدیای دروست ببوو، دور لە هەمو بەهاو ڕێساو یاسای میدیایی بەجۆرێک هەمو کاری میدیایی لە هەرێم تەنها لە ستایش و پیاهەڵدان کۆکرابۆوە، کەمەش هۆکار و پاڵنەرێکی بەهێز بوو بۆ گەشەکردنی گەندەڵی و فەسادی ئیداری پێچەوانەی سیستەمی جیهانی و هاوکێشە نێو دەوڵەتیەکان کەمیدیادەسەڵاتی چوارەمە، دەسەڵاتێک بۆ چاودێری و راستکردنەوەی هەڵەکان و هاوکاربون بۆ ئیدامەدان بەکاری باش نەک تەنها رۆڵی ستایش میکیاژکردنی ناشیرینەکانی دەسەڵاتداران بێت.
کاری پیشەیی میدیای خستە نێو میدیای کوردی سەکۆیەکی بێ لایەن و سەربەخۆ بوو بێ ڕەچاوکردنی بیروڕای ئاینی و قەومی کۆکەرەوەی سەرجەم رەنگ و دەنگەکان بوو لەوپەری راستەوە بۆ ئەو پەڕی چەپ ، پێشخانێکی بەهێزی بۆ میدیای ئازاد بونیادنا بووبە چەترێک بۆ میدیای ئازاد بە دایکی میدیای ئازاد دادەنرێت کەبە دەیان سایت و کەناڵی بیستراو بینراوی بەشوێن پێ و ڕێبازی کەی ئێن ئێن بەردەوامبون و دروست بون، کەی ئێن ئێن پانتاییەکی فراوانی لەبینەر و بیسەر پەیداکرد کە ئەمەش ئینجازێکی گەورە بوو شتێکی عەجیب بوو میدیایەک بەتەمەنێکی کورت وا بەخێرایی شوێنی خۆی لەناو هەمو دڵێک بکاتەوە بۆئەمەش حەتمەن ئەبێ رۆڵی خاوەنی بیرۆکە و دامەزرێنەرو بەرێوبەر وتەواوی میدیاکار وکارمەند و ستافی ئەو کەناڵە و یارمەتیدەر و هاوکاران لەبەرچاوبگیرێ و هەمیشە ستایش بکرێن کە لە خۆبردانە و پرۆفیشناڵانەو دڵسۆزانە کاریانکرد بۆ ئەوەی ئەرزش و شکۆ بۆ میدیای کوردی بگێڕنەوە.
کەی ئێن ئێن بوە چەتر و کۆکەرەوەی دەنگی نارازی وەک قەڵایەک لەدژی بێدادی ناعەدالەتی ئیداری و سیاسی و کۆمەڵایەتی لەوڵات وەستایەوە، ئومێدی لەناو نائومێدی دروستکرد لەناو هەمو ئەوبێ دەنگیەی کەباڵی بەسەر وڵات کێشابو دەنگی بوێر و ئازای هێنایە کایەوە شکۆ وهەیبەتی بۆ میدیای کوردی گێرایەوە زمانی بێ دەنگی گۆڕی بۆ زمانی بەدواداچون و لێپێچینەوە بەجۆرێک ببو بەسەکۆی لێپچینەوە گەندەڵکاران و زڕاندنی خەو لەچاوی بەرپرسە گەندەلەکان .
کەی ئێن ئێن بە وەچەرخانێکی گرنگ و دەستپێکێکی نوێی لەدایکبونی میدیای ئازاد و سەربەخۆ لە هەرێم دادەنرێت بە بێ رەچاوکردنی دۆخی مەترسیداری ناوچەکە لە زروفێک لەدایکبو وتنی راستیەکان لەژورە تاریکەکانیش مەحاڵ بوو، کەی ئێن ئێن هەمو ئەو بەستەڵەکانەی شکاند راستیە شاراوەکانی هێنایە سەرشاشە و نەک هەرلەژورە تاریکەکان نەمایەوە بەهەمو ماڵ و تاکێکی ئاشنا کرد.
دوای دەسال کارکردن وخزمەتی بێ وچانی میدیایی لەکوردستان کە ئێن ئێن هەمو ئەو واجباتە میدیایی و ئەخلاقیانەی کەبۆ دامەزاربوو بێ دوو دڵی جێبەجێ کرد .
وەک چۆن رەوانشاد کاک نەوشیروان مستەفا پیاوی نیوسەدە لەخەبات و تێکۆشان و بەرەنگاری ستەم و نادادی بەگەورەیی ژیا و بەگەورەییش ماڵئاوایی کرد، خۆیشی تا لەژیاندا مابوو جەختی لەسەر ئەوە دەکردەوە کەوا هەرچی واجباتی دینی و ئەخلاقی وسیاسی وکۆمەڵایەتی هەبوو بەزیادیشەوە بەجێی گەیاند، ئینکاری لەو حەقیقەتەش ناکرێت کە کەی ئێن ئێن بەهەمان روحیەت درێژە پێده‌ری ئەو پەیامەبوە چرای ماڵی هەموو مافخوراوێکی ئەو وڵاتە بوو پەیامی نادادی و خراپی سیستەمی ئیداری و سیاسی بەتەواوەتی گەیاندە هەمووماڵێک بەخوێندەوار و نەخوێندەوار تەنانەت هەمو چینەکانی کۆمەڵگا لەروی تەمەن و جێندەرییەوە .
1436 جار خوێندراوەتەوە