دەنگدەری بەڕێز هەڵبژاردنى ئەمساڵ جیاوازە

ئاشکرایە هەڵبژاردنی ئەمساڵ جیاوازە لە ساڵانی پێشتر، تکایە بایکۆتی مەکە، دەنگی ئێوە دەنگی راستکردنەوەی هەڵەکانە، گەڕانەوەی شکۆی پەرلەمانە، گروپێک بەرەو دەسەڵات و ئەوەی تر بەرەو ئۆپۆزسیۆن.

 

دەنگی تۆ تەنها خۆت و خوای گەورە دەزانێت کە بە کێت داوە، مەترسە و سڵ لە هیچ مەکە و ویژدانی خۆت ئاسودە بکە.

 

ئەو کاندیدە کە خودی خۆت دەیناسی و متمانەت پێیەتی هەڵبژێرە.

 

بەتایبەت دەنگدەرانی بەڕێزی گۆڕان بە هەستێکی پڕ لە شەرم و شانازییەوە ویژدانتان دەبزوێنم، بەڵێ لە رابردودا بەندەش وەک ئێوەی بەڕێز گلەیی و گازندەی هەبو، هەوڵی جدیشمان دا بۆ راستکردنەوەی هەڵەکان کە ئەم هەستە پڕ شەرمەمە بەرانبەر خوای گەورە و ئێوەی ئازیز،  بە شانازییەوە بە هەوڵی هاوڕێیان کۆتایی هات، گۆڕان تاکە حیزبە کە دان بە هەڵەکانی خۆیدا بنێ و داوای لێبوردن بکات.

 

بۆیە بە شانازیەوە گۆڕانی ئەمڕۆ بەرەو  گۆڕانەکەی 2009 رێگای گرتوە، بەندە بڕوای تەواوی هەیە بە کاندیدە بەڕێزەکانی گۆڕان کەسانی لێهاتو و چاونەترس، کەسانێکن پلەو پۆست نایانگۆڕێ.

 

هیوای سەرکەوتنیان بۆ دەخوازم و بە هیوای ئەوەی بەرنامەی گۆڕان بۆ پاراستنی بەرژەوەندی گشتی و گەڕانەوەی شکۆی پەرلەمان بگەڕێنەوە.

 

دەنگدەرە بەڕێزەکانی گۆڕان ئێوە لە ساڵانی رابردوودا کاری خۆتان بە سەربەرزییەوە ئەنجامدا لە سزادان حیزبەکەتان.

 

بەڵام گۆڕان-ی ئەمڕۆ بڕیاری گەڕانەوەی بۆ ناو جەماوەرەکەی خۆی و کۆمەڵانی خەڵکی کوردستان داوە  و وانەیەکی قورسی وەرگرت و باجێکی قورستری دا لە پێناویدا.

 

متمانەی ئێوە مانای گەڕانەوەی  شکۆی نیشتمان و سەروەرێکانە .

 

تکایە مافی دەنگدان تان لە دەست مەدەن .


481 جار خوێندراوەتەوە