سوپای پاسداران باس
لەوەدەکات، سێ پێگەی حزبەکانی رۆژهەڵاتی کوردستانی لە رێگەی مووشەکەوە لە ناو خاکی
هەرێمی کوردستان کردووەتە ئامانج.
بەشی راگەیاندن و
پەیوەندییەکانی سوپای پاسداران بڵاویکردەوە، کاتژمێر 4:30 بەرەبەیانی ئەمڕۆ یەکەی
مووشەکی سوپاکەیان سێ پێگەی "جوداخوازەکانیان" لە هەرێمی کوردستان
کردووەتە ئامانج. بە بێ ئەوەی شوێن و وردەکاری زیاتر ئاشکرا بکەن.
"جوداخوازەکان"
ئەو دەستەواژەیە کە بەرپرسانی ئێران بۆ حزبەکانی رۆژهەڵات بەکاریدەهێنن و لە
رۆژانی رابردوودا چەندین جاری دیکە بە درۆن پێگە و کەمپەکانی ئەو حزبانە لە هەرێمی
کوردستان بەئامانج گیرابوون.
لە دوای بڵاوبوونەوەی
چەند هەواڵێک لەبارەی خواستی ئەمریکا بۆ بەشداری هێزەکانی رۆژهەڵاتی کوردستان لە
شەڕ دژی ئێران و ئامادەکارییەکانی ئەو حزبانە، بەرپرسانی سیاسی و سەربازی تاران
چەندین جار هەڕەشەیان لەو حزبانە و لە هەرێمی کوردستانیش کرد و لە رۆژانی
رابردوودا هێرش و هەڕەشەکانیان چڕتر بووەتەوە.
لەوچوارچێوەدا بنکە و
پێگەکانی حزبەکانی رۆژهەڵات لە سنووری پارێزگاکانی هەولێر و سلێمانی چەندین جار بە
ئامانج گیران.
548 جار خوێندراوەتەوە